معاذخان! سلام۔ آپ نے جن تلخ حقائق کا ذکر کیا وہ بہت افسوسناک تھے جب آٹے میں نمک ملایا جائے تو ایک سستی اور کم مقدار کے ساتھ اس میں بڑی لذت آجاتی ہے اعزاز سید ایک خالص پنجابی صحافی ہیں اس نے کہا کہ مجھے جب حقائق کا پتہ چل گیا تو میں قائداعظم سے خان عبدالغفار خان کو بڑا لیڈر مانتا ہوں اور اس کی وجہ یہ نہیں ہے کہ ایک پنجابی کسی طرح سے بھی پختون اور پنجابی میں تفریق کرتا ہے بلکہ وہ جب دیکھتا ہے کہ غفار خان کی قیادت کو بھارت اور دنیا بھر میں مانا جاتا ہے اور انگریز دور میں اس کا ایک مزاحمتی کردار ہے اور یہ بات بھی یاد رکھنے کے قابل ہے کہ خان عبدالقیوم خان کا تعلق پہلے مسلم لیگ سے نہیں کانگریس سے تھا اور اس نے ہی اپنے ذاتی مفادات کیلئے عبدالغفار خان کو اپنی سیاست کیلئے خطرہ سمجھ کر یہ غلط سلوک کیا تھا جس کی انگریز سے بھی توقع نہیں تھی اور انگریز یہاں سے نکلنے پر خود آمادہ ہوا تھا اس نے پنجابی راجہ رنجیت سنگھ سے حکومت چھین لی اور بعد میں پنجاب سے اس صوبے کو الگ انتظامی یونٹ بنادیا پنجاب نے اپنی عسکری اور سیاسی لیڈر شپ کی بھی قدر نہیں کی رائے احمد خان کھرل نے ساتھیوں سمیت قربانی کی تاریخ رقم کردی سید عطاء اللہ شاہ بخاری اور ان کی مجلس احرار نےبھی قربانیوں کی تاریخ رقم کی اور پنجاب میں مسلم لیگ کی حکومت نہیں تھی جو سلوک پنجابی کی لاشوں اور خاندانوں کے ساتھ تقسیم کے وقت کیا گیا تو پختون خواہ میں دہشتگردی کی طویل جنگ میں بھی نہیں ہوا سکھوں اور ہندوؤں کی عورتوں کو مسلمانوں نے اور مسلمانوں کی عورتوں کو انہوں نے پکڑلیا اور آج تک کہانیاں چل رہی ہیں اگر ہم پختونوں نے ہوش کے ناخن نہیں لئے اور تعصبات کو ہوا دیتے رہے تو جس طرح سیاسی لیڈر شپ اپوزیشن اور حکمران طبقہ ایک دوسرے پر باجوڑ میں آپریشن کی اجازت کے الزامات لگارہے ہیں اور وہ جذباتی لیڈر اور عوام غائب ہیں جو آپریشن کی مخالفت کررہے تھے اور لوگ اچانک گھر بار چھوڑ کر جانے پر مجبور ہیں جب 1920ء میں باچا خان نے علماء کے فتوے پر ہندوستان کے لوگوں کو شریعت کے فتوے اور نکاح کے ٹوٹنے کی بنیاد پر ہجرت کی تحریک چلائی تھی تو اس دور میں بھی سارے علماء نے ہجرت نہیں کی تھی لیکن باچا خان نے سیاسی بصیرت رکھنے والوں کی جگہ فتوے پر یقین کرلیا تھا مجھے یقین ہے کہ آپ کو برا نہیں لگا ہوگا کیونکہ شعور کو عام کرنا آپ کا بھی مقصد ہے اور میرا بھی