پاکستان گروپ آف جرنلسٹ کے صوبائی صدر، چیف ایڈیٹر روزنامہ ”پیغامات” پشاور گل احمد مروت نے نمائندہ نوشتہ دیوار سے گفتگو کرتے ہوئے حلالہ کیخلاف سپریم کورٹ کا فیصلہ انتہائی خوش آئند قرار دیا اورمزید کہا کہ سید عتیق الرحمن گیلانی کی جہد مسلسل کے اثرات ظاہر ہونا شروع ہوگئے ہیں گو کہ وہ پس پردہ ہیں مگر ان کی تحقیقات ہیں جو فطرت اور قرآن کی واضح تعلیمات کے مطابق اُجاگر ہورہی ہیں۔ حال ہی میں سپریم کورٹ آف پاکستان نے جو بڑا فیصلہ دیا ہے اسکے پیچھے گیلانی صاحب کی طویل جدوجہد اور لا تعداد علمی دلائل ہیں جو بالآخر عوام الناس، علماء و مفتیان کرام، دانشور حضرات اور اسلامی اسکالرز نے قبول کئے ہیں۔ سپریم کورٹ آف پاکستان کا فیصلہ اس کی واضح دلیل ہے۔ بعینہ اسی طرح آپ مسلمانوں کے عروج اور عالم اسلام کی سربلندی کیلئے قیام خلافت کی جو بات امت مسلمہ کو سمجھارہے ہیں ایک دن سب اس پر بھی انشاء اللہ متحد و متفق ہوں گے۔ یہی مسلمانوں کے مسائل کا حل اور وقت کا تقاضہ ہے۔
ــــــــــ

اخبار نوشتہ دیوار کراچی، شمارہ جنوری2026
www.zarbehaq.com
www.zarbehaq.tv
Youtube Channel: Zarbehaq tv