عالمِ رنگ و بو میں جو آیا جانے کیلئے آیا

لِدوا لِلموتِ وابنوا لِلخرابِ

خلاقِ عالم نے ہر تنفس کیلئے وقت پر دنیا سے جانا مقدر فرمایا۔ علومِ نقلیہ وعقلیہ قدیمہ کے علاوہ حضرت شیخ کو علومِ جدیدہ سے خاص دلچسپی اور شغف تھا۔ سائنس اور فلسفہ جدیدہ سے گہرا تعلق تھا اور سائنسی علوم و ایجاداتِ جدیدہ کی روشنی میں اسلام کے حقائق کو منفرد انداز سے سمجھا تے تھے۔ حدیث میں ابرادِ بالظہر کا حکم دیتے ہوئے وجہ یہ بیان فرمائی گئی
فان شدة الحر من فیح جھنم
اشکال وارد ہوتا ہے کہ گرمی تو سورج کا اثر ہے۔ حضرت شیخ رحم اللہ تشریح فرماتے کہ جہنم کی مثال پاور ہاؤس ہے، شمس کی کا منبع جہنم ہے۔ شمس کے واسطہ سے جہنم کی حرارت کا اثر پہنچتا ہے۔ آتشیں شیشہ سورج سے حرارت اخذ کر تاہے۔ تمثیل سے اشکال رفع ہو جاتا ہے۔

فرید واجدی کی دائر المعارف (انسائیکلوپیڈیا)سے حضرت شیخ بہت متاثر تھے۔ برزخ میں انسان کے مادی جسد کیساتھ روح کا تعلق قائم رہتا ہے، اگرچہ روح کا مستقر اعلی علیین یا اسفل السافلین ہو۔ یہ مسئلہ حضرت شیخ دائر المعارف کے ایک واقعہ سے ذہن نشین فرمایا کرتے تھے کہ: ایک شخص علم التنویم کے ذریعہ وقتی طور پر انسان کی روح کو جسم سے جدا کر سکتا ہے، لیکن اس مفارقت کی صورت میں بھی روح کا رابطہ جسم کیساتھ برابر قائم رہتا ہے۔ چنانچہ فرید وجدی نے لکھا کہ: ایک عامل نے علم التنویم سے ایک انسان کو لٹا کر اس کی روح کو جدا کیا، وقتِ مقررہ پر وہ روح واپس نہیں آئی تو عامل کو فکر لاحق ہوئی کہ کہیں اس کی موت واقع نہ ہو۔ چنانچہ فورا ایک دوسرے شخص پر عمل کر کے اس کی روح سے کہا کہ پہلی روح کو جلد لانے کی کوشش کرو، چند لمحات کے بعد اس نے بتایا کہ وہ پہلی روح واپس آ گئی ہے اور اس وقت فلاں گوشہ میں موجود ہے، عامل سوئی ہاتھ میں لیکر اس کی طرف بڑھا اور غصہ میں سوئی کو آگے کیا، اس پر روحِ ثانی نے کہا کہ سوئی اس کی پنڈلی میں پیوست ہو گئی ہے، عامل نے پلٹ کر دیکھا کہ جس شخص کی وہ روح تھی اس کی ٹانگ سے خون نکلنا شروع ہو گیا، جبکہ وہ دوسری جگہ تھا۔ اس واقعہ کو بیان کرنے کے بعد شیخ فرمایا کرتے تھے کہ: جب اس عالم میں روح اور جسد میں مفارقت کے باوجود تعلق قائم رہتا ہے تو برزخ میں بھی اسی طرح تعلق قائم رہے گا تاکہ جسم و روح دونوں کو راحت یا تکلیف محسوس ہو۔

(یہ تحریر نیٹ پردیکھ لو اور قرآن کے شواہد میری تحریرمیں)
ــــــــــ

اخبار نوشتہ دیوار کراچی، خصوصی شمارہ جولائی2026
www.zarbehaq.com
www.zarbehaq.tv
Youtube Channel: Zarbehaq tv