7جنوری کو شاہ عنایت کی308ویں برسی منائی گئی، ایڈیٹر نوشتہ ٔدیوار نیشنل ٹریڈ یونین فیڈریشن کے ڈائریکٹر ناصر منصور کیساتھ ہیں پروفیسر ساجدہ چنا صوفی حضور بخش اور گل حسن منگی بھی ساتھ تھے۔ سندھ کے عظیم سپوت شاہ عنایت شہید کے جو بوئے وہی کھائے کا نعرے سندھ کی فضاؤں سے بلند کر کے پاکستان سمیت پوری دنیا میں پہنچانا ہوگا، اسوقت پاکستان کی زیادہ تر آبادی غربت کی لکیر سے نیچے زندگی بسر کر رہی ہے ۔ دوسری طرف پوری دنیا عالمی سرمایہ داروں کے روپ میں ایک جدید جاگیرداری نظام کا جال بچھا چکی ہے اسوقت دنیا کی تقریبا آدھی دولت بل گیٹس جیسے صرف100افراد کے قبضے میں جا چکی سسکتی عالم انسانیت کو ان عالمی ساہوکاروں کے چنگل سے شاہ عنایت شہید کے جو بوئے وہی کھائے ،جیسی انقلابی سوچ سے ہی نجات دلوائی جا سکتی ہے۔

تبصرہ : نوشتۂ دیوار : فاروق شیخ
جب سود کی آیات نازل ہوئیں تو رسول اللہ ۖ نے زمین کو مزارعت پر دینا بھی سود قرار دیا جس پر چاروں ائمہ کا اتفاق بھی ہے اور مدینہ کی ریاست نے اس کی وجہ سے بہت سارے اہداف حاصل کئے۔ پہلا ہدف : اللہ اور اس کے رسولۖ کی خوشنودی۔ دوسرا ہدف: محنت کشوں کو اپنی محنت کا پورا پورا منافع جس کی بنیاد پر کارل مارکس نے قدر زائد کا نظریہ ایجاد کرکے دنیا میں ایک بڑا انقلاب برپا کردیا۔ شاہ عنایت شہیدنے اس فکر کو اسلام سے اخذ کیا تھا۔تیسرا: ہدف : جب مزارعین کو اپنی محنت کا پورا پورا صلہ مل گیا تو وہ ریاست کو بھی10فیصد اور5%ٹیکس دینے لگے۔ عوام خوشحال اور حکومت بھی خوش حال۔ چند افراد کی وجہ سے عوام پر گدھوں اور گھوڑوں سے بھی زیادہ بوجھ لادا جائے گا تو ریاست اور عوام دونوں ناکارہ ہوجائیں گے۔ چوتھا:ہدف: آج اگر مزارعین کو مفت زمینیں مل جائیں تو پھر بے روزگاری کا بہت بڑا مسئلہ بھی حل ہوگا اور کھانے پینے کی چیزیں بھی دسترس کے مطابق دستیاب ہوں گی۔اگر عوام خوش حال ہوں تو ملک و حکمران بھی خوشحال ورنہ پھر بدحالی ہوگی۔
ــــــــــ

اخبار نوشتہ دیوار کراچی، خصوصی شمارہ مئی2026
www.zarbehaq.com
www.zarbehaq.tv
Youtube Channel: Zarbehaq tv