عراق کی15سالہ کوثر بشار اپنے کزن کیساتھ شادی کرنے سے انکار پر اجتماعی قتل کی گئی اور پھر اس پر خوشی کا جشن منایا اور قاتلوں نے خوشی میں رقص کیا۔عراق کی میڈیا میں یہ خبر آگ کی طرح پھیل گئی اور اس عزت وشرف کے نام پر قتل کو کچھ نے بہت افسوسناک قرار دیا اور پولیس تماشائی بن کر دیکھتی رہ گئی۔

جب دنیا اندھیروں میں ڈوبی ہوئی تھی تو اسلام نے روشنی کا چراغ جلایا اور لوگ اسلام کے پروانے بن گئے۔لیکن پھر وقت بدل گیا اور اسلام مسلمانوں کے ہاتھوں اجنبیت کا شکار ہوگیا۔ موجودہ دور میں چراغ تلے اندھیر ے کی طرح مسلمان مظلوم ہیں اور اس میں سب سے بڑا ہاتھ مذہب کے غلط تصور کا ہے۔

عبدالملک اور حجاج بن یوسف نے اسلام کو اجنبی بنادیا۔ حضرت عمر نے کم عمربچیوں سے متعہ اور اپنی اولاد سے انکار کے سبب متعہ پر پابندی لگائی ۔ جیسے وائٹ ٹیرن کو عمران خان نے سیتاوائٹ سے پیدا کیا اور پھر باپ ہونے سے انکار کردیا۔ قرآن نے عورت کو جو حقو ق دئیے تھے تو سب بحق جاہلیت آمریت اور ملائیت نے غصب کردئیے۔

حجاج بن یوسف نے ایک لڑکی ہند سے اس کی رضامندی کے بغیر شادی کی تو حجاج نے سنا کہ وہ شعر پڑھ رہی تھی۔
و ما ھند الا مھرة عربیة
سلیلة افراس تجللھا بغل
فان ولدت فحلا فللہ درھا
وان ولدت بغل فجاء البغل
”اور ہند تو خالص عربی نسل کی گھوڑی ہے۔مگر اس پر ایک خچر سوار ہوگیاہے۔اگر وہ بہترین نسل پیدا کرے تو کمال اصل کا ہے اور اگر خچر پیدا ہوا تو خچر خچر ہی لاتا ہے”۔

پھر عبدالملک نے اس سے چھین لی اور کہا کہ خود ہی میرے پاس لاؤ۔ وہ راستے میں طعنے دیکر ذلیل کرتی رہی ۔ پہنچی توکہا کہ کتنی قیمتی چیز تجھے سستے میں بیچ دیا۔ عبدالملک سن کر مسکرایا۔

سندھ جیکب آباد میں ایک لڑکی نے مرضی سے شادی کی تو لڑکی والوں نے لڑکے کاپورا گاؤں جلادیا جس میں6سو گھر تھے۔ جس سندھ میں اتنی غیرت ہے تو وہاں فحاشی کے اڈوں کو کیسے چلایا جاتا ہے؟۔ قرآنی آیت کا غلط ترجمہ اور تفسیر ہو کہ زبردستی سے لونڈیوں کو بدکاری پر مجبور مت کرو تو معاشرے پر اس کا کیا اثر پڑے گا؟۔ مفتی تقی عثمانی کا فتویٰ ہو گا کہ نابالغ بچی کا باپ زبردستی سے نکاح کراسکتا ہے اور والد کی مرضی کے بغیر بھی اغواء شدہ لڑکی کا نکاح معتبر ہے تو کیا نتائج نکلیں گے؟۔

نکاح ایک مقدس قانون ہے اور اس کے قرآن میں بڑے حقوق ہیں۔ ہاتھ لگائے بغیر بھی آدھا حق مہر شوہر کی وسعت کے مطابق طلاق پر فرض بن جاتا ہے۔ عورت کو نہ صرف خلع کا حق ہے بلکہ طلاق کی طرح خلع میں بھی شوہر کی دی ہوئی اشیاء کو ساتھ لے جانے کا حق ہے۔ جاندار کی تصویر کو ناجائز سمجھا تو کھلاکردار ادا کیا۔ جلسہ وزیرستان میںمولانا نورمحمدMNAشہید اور مولانا اکرم اعوان کی موجودگی میں کیمرے ہٹائے پھر تصویرکو جائز سمجھ کر اپنی تصویر چھاپ دی تو مولوی نے ساتھی سے کہا کہ یہ تصویر کو دیکھ کر ہماری بیویاں ہمیں چھوڑ دیں گی۔

نکاح نہیں لونڈی اور متعہ ومسیار والا معاملہ ہے۔ عورت شادی پر راضی نہیں تو زبردستی جائز نہیں مگر عورت کیلئے یہ رعایت ہے کہ اگر وہ رہنے پر مجبور ہے تو اللہ غفور رحیم ہے۔ بنوامیہ اور بنوعباس کے ظالموں حکمرانوں نے ایفسٹین فائل سے زیادہ جاہلانہ مذہبی مسائل کی بنیاد رکھ دی ۔

وجعلوا القرآن عضینOفوربک لنسئلنھم اجمعینO(سورہ الحجر)

”اور انہوں نے قرآن کو بوٹی بوٹی کردیا۔ تیرے رب کی قسم کہ ہم ضرور بضرور ان سے پوچھیں گے”۔

سعد بن وقاص نے کہا کہ نبیۖ نے فرمایا” اہل غرب قیامت تک حق پر قائم رہیں گے”(صحیح مسلم)صرف مغرب کو دین کی صحیح حالت پہنچائیں مگر وہاں بھی حلالہ سینٹر مذہبی طبقات کی بدولت بن گئے ہیں۔

قرآن میں بالکل واضح ہے کہ باہمی رضامندی کے ساتھ عدت کے اندر اور عدت کے بعد معروف رجوع ہوسکتا ہے اور عورت کی رضامندی کے بغیر نہیں ہوسکتا۔ نبیۖ کی سنت اور حضرت عمر اور حضرت علی کے فیصلے قرآن کے عین مطابق ہیں۔ جس قرآن نے پوری دنیا کو بدل دیا آج مذہبی طبقات حلالہ کی وجہ سے یہود کے نقش قدم پر چل رہے ہیں۔ نصاریٰ کے ہاں تو مذہبی طلاق نہیں لیکن3سوسال پہلے وہ قرآن کو مان گئے ہیں۔
ــــــــــ

قاصرات کم عمر بچیاں۔ متشابہ آیت کی درست تفسیر سمجھو!

بچی یاسمین مسجد پڑھنے نکلی تو لاہور سے دلال نے اغواء کیا، سندھ میں بیچ دیا، بازیاب ہوگئی۔ پختون بچی کو سندھ اغواء کیا گیا۔ غلط سماجی اقدار اور مذہب کی غلط تشریح نے ملک و ملت کو بے حس کردیا۔اسلئے درست اسلام کو سمجھنا ہوگا۔
ــــــــــ

اخبار نوشتہ دیوار کراچی، خصوصی شمارہ مئی2026
www.zarbehaq.com
www.zarbehaq.tv
Youtube Channel: Zarbehaq tv