عربی چینل نے افغان طالبان میں بھرتی خواتین پولیس اور دیگر ملازمین کی ویڈیو بنائی ہے۔ اردو اور پشتو میں بھی اس طرح کی ویڈیوز آجاتیں تو بہت اچھا اثر پڑتا۔ امیرالمؤمنین ملا محمد عمر اخوند کی ویڈیو یوٹیوب پر موجود ہے جو شاید آخری دور ہی کی ہے اور یہ اس بات کا ثبوت ہے کہ جب ہم نے جوہری دھماکہ لکھی تھی تو طالبان کی طرح ملامحمد عمر نے بھی ویڈیو کے حوالے سے اپنا مؤقف تبدیل کیاتھا۔ میری کتاب ”آتش فشاں” بیت اللہ محسود کی گاڑی میں تھی تو عبدالرشید برکی شہید نے اسکے ڈرائیور سے پوچھا تھا۔ بیت اللہ محسودنے کہا تھا کہ یہ ایسی علمی شخصیت ہے جس پر تبصرہ کرنے کی بھی ہم اپنے اندر اہلیت نہیں رکھتے۔

دنیا میں تیسری عالمی جنگ ٹلنے کے بعد نمایاں تبدیلیاں نظر آنی شروع ہوگئی ہیں۔ امریکہ کے موجودہ نائب صدر نے کہا کہ ”میرے دل کے قریب دو افراد ہیں۔ پاکستان کے سید حافظ عاصم منیر اور میری بھارتی بیگم ”۔ پورپ ، چین اور عرب میں پاکستانی اور ہندوستانی آپس میں سگے چچازاد لگتے ہیں۔

یہ بھی دنیا نے سوچا تھا کہ افغانستان میں طالبان کی حکومت آسکتی ہے؟۔ پھر یہ کبھی کسی نے سوچا تھا کہ امیرالمؤمنین ملاعمر کی ویڈیو بھی آجائے گی؟۔ پھر یہ کسی نے سوچا تھا کہ طالبان کی خواتین پولیس فورس ہوگی؟۔ قرآن میں اللہ تعالیٰ نے فرمایاکہ رسول اللہۖصحابہ کے سامنے آیات کی تلاوت فرماتے اور ان کا تزکیہ فرماتے اور انہیں کتاب اور حکمت کی تعلیم دیتے۔

اللہ نے یہ بھی فرمایا کہ ”جس کو حکمت دی گئی تو تحقیق وہ خیر کثیر پاگیا”۔ سینیٹررمیش کمار کا انکشاف کہ50%بجٹ تو سود پر اللہ اور اسکے رسول ۖ سے اعلان جنگ پر جارہاہے۔خطے کی بیداری پوری دنیا کی بیداری ہے۔ حکمت عملی سے بڑے بڑے کام ایسے طریقے پر ہوسکتے ہیں کہ سانپ بھی مرے اور لاٹھی بھی نہ ٹوٹے۔ جامعہ بنوری ٹاؤن کراچی نے مفتی محمد شفیع اور فتاویٰ شامی کے حوالے سے لکھا تھا ”عورت کا گھر سے نکلنا جائز نہیں ہے”۔ حالانکہ پہلے گھروں میں لیٹرین، پانی، گیس اور کچرہ پھینکنے کا کوئی ایڈوانس طریقہ نہیں تھا۔ عورتوں کو ان سب کاموں کے علاوہ پنج وقتہ نماز، طواف اور صفا ومروہ مردوں کیساتھ کرنا ہوتاتھا۔ مفتی منیر شاکر شہیدنے پشتو میں افغان صحافی خاتون کو انٹریو دیتے ہوئے تفصیل سے عورتوں کی ایک بہت بڑی فہر ست جاری کی جو درس دیتی تھیں،تجارت بھی کرتی تھیںاور ان میں صحابیاتاور بعد کے ادوار کی عورتیں تھیں۔

بعض لوگ بالکل غلط تصورات کھڑے کرتے ہیں کہ وقت کے ساتھ اجتہاد کے نام پر دین میں تحریف کی جائے۔ حالانکہ دین وہی ہے جو قرآن وسنت میں موجود ہے لیکن علماء وفقہاء کی غلط فہمیوں اور ہٹ دھرمی نے دین میں تحریف کر ڈالی ہے جس کو تبدیل کرکے اسلام کو اپنی اصل شکل میں بحال کرنا دین ہے اور اس کی مثال علامہ سید سلیمان ندوی کی معارف اعظم گڑھ میں تصاویر کے جواز کیلئے قرآن وسنت ، صحابہ وتابعیناور فقہاء مدینہ کے حوالے سے دلائل کے انبار ہیں لیکن مفتی محمد شفیع نے جہالت کا مظاہرہ کرتے ہوئے دیوبند کے مدرسہ کی پشت پناہی سے مولانا ابواکلام آزاد اور علامہ سید سلیمان ندوی کو مجبور کیا اور اگر وہ مجبور نہ کرتے تو طالبان بھی سختی نہیں کرتے۔ اس طرح یہ بھی حقیقت ہے کہ مفتی محمد شفیع نے نماز اور زکوٰة کے حوالہ سے معارف القرآن کی غلط تفسیر لکھ ڈالی جس سے ملاعمر نے دھوکہ کھایاتھا۔ مفتی تقی عثمانی نے سود کو اسلامی قرار دیا اور2%فیصد اپنا کھاتا بھی رکھاہے جس کی عادت الائنس موٹر میں پڑی تھی تو اسلامی سود میںبجٹ کا50کی جگہ52%سود میںدیاجاتا۔
ــــــــــ

اخبار نوشتہ دیوار کراچی، شمارہ جولائی2026
www.zarbehaq.com
www.zarbehaq.tv
Youtube Channel: Zarbehaq tv