بعض لوگ غلط کہتے ہیں کہ یہ فتوے فقہی کتابوں میں موجود ہیں ،یہ آپس میں بھی نہیں ملتے!

مفتی تقی عثمانی نے جس طرح دانتوں کو بدل دیا ،اسی طرح اپنے فتوؤں کو بھی بدل دیا ۔ کھوجہ قوم شیعہ ہیں اور اگر لڑکی کو اغواء کرکے زبردستی سے نکاح کرلیا تو کونسے فقہ کی کتاب میں ہے کہ یہ نکاح منعقد ہواہے ؟۔ اور اس کو رضامندی کا نکاح کہتے ہیں اور اب اس سے جان چھڑانے کیلئے لڑکی اور اس کے رشتے داروں کے پاس ایک ہی راستہ ہے کہ لڑکے سے طلاق حاصل کریں؟۔
جب حاجی عثمان پر فتوے لگائے گئے تو مفتی حبیب الرحمن درخواستی نے حاجی عثمان کے حق میں فتویٰ دیا اور آپ کے چھوٹے بھائی ہمارے استاذمولانا انیس الرحمن درخواستی شہید حاجی عثمان سے بیعت ہوگئے۔دین پور شریف میں خانپور کٹورہ کے قریب مولانا عبیداللہ سندھی اور مرشد مولانا خلیفہ غلام محمد بھی مدفون ہیں ۔ جو سندھ کے مراکز ہالیجی شریف ، امروٹ شریف ، بھرچنڈی شریف سب درگاہوں کے مرشد تھے اور قوم کے بلوچ تھے۔مولانا عبداللہ درخواستی اور آپ کے صاحبزدے اور نواسے جامعہ عبداللہ بن مسعودوالے آرائیں قوم سے تعلق رکھتے ہیں۔کیا وہ اس فتوے کو گوارا کرلیںگے؟۔ چوہدری محمدسرور جس نے برطانیہ پارلیمنٹ کی رکنیت پاکستان کیلئے چھوڑدی اور پہلے ن لیگ نے ان کو گورنر پنجاب اور پھر تحریک انصاف نے گورنر پنجاب بنادیا اور اب ق لیگ میں گئے ہیں اور ڈاکٹر طاہرالقادری کے بھی اچھے دوست ہیں اور آپ کا تعلق پنجاب کے دل ساہیوال اور آرائیں قوم سے ہے ۔ کیا مفتی تقی عثمانی و مفتی شفیع دیوبندی کا مندرجہ بالافتویٰ وہ قبول کرلیں گے؟۔ ڈاکٹر طاہرالقادری اور عمران نیازی بھی فسٹ کزن ہیں اور ان کی قوموں کیلئے یہی فتویٰ ہے کیا وہ اس کوقبول کریں گے؟۔ مولانا فضل الرحمن ، پختون، بلوچ ، پنجابی ، سرائیکی ، سندھی ، مہاجروغیرہ سب اس فتوے کو قبول کریںگے؟۔افغانستان ، ایران اور ہندوستان عجم کی قومیں کرد، ترک ، تاجک، ازبک اور چین وغیرہ کی قومیں اس فتوے کو قبول کریں گی؟۔ اگر قرآن وحدیث یا فقہ کے ٹھوس دلائل ہیں تو قل ہاتوا برہانکم ”کہہ دو کہ اپنے دلائل لے کر آؤ”۔ کھوجہ شیعہ نے کچھ رقم دی ہوگی توایمان بھی بیچ دیا ہوگا۔ پہلے چھوٹے چھوٹے فتوؤں پرچھوٹی چھوٹی رقم پر ایمان بیچتے تھے اور اب سرکار نے سودکی عالمی منڈی میں چھلانگ لگاکر استدراج حاصل کیا ہے؟۔
یقول تعالیٰ: والذین کذبوا بآیاتنا سنستدرجھم من حیث لایعلمون :فی تفسیر ابن کثیرومعناہ ان یفتح لھم أبواب الرزق ووجوہ المعاش فی الدنیا حتی یعتروا بما فیہ و یعتقدوا انھم علی شی ء کما قال تعالیٰ : فلما نسوا ماذکروابہ فتحنا علیھم ابواب کل شیء حتی اذا فرحوا بما اوتوااخذنٰھم بغتة فاذھم مبلسون
جب سود کے معاملے میں عرب بادشاہوں اور مفتی تقی عثمانی نے اللہ کی واضح آیات کو جھٹلادیا تو ان کو ایسی ترقی مل گئی کہ وہ سمجھ ہی نہیں پائے۔ جس کی ابن کثیر نے یہ تفسیر کردی ہے کہ اس کا معنی یہ ہے ان کیلئے رزق کے دروازے کھل گئے اوردنیا میں معاش کے مختلف راستے بن گئے یہاں تک وہ اس میں جنون کی حد تک مبتلاء ہوگئے اور یہ سمجھنے لگے کہ وہ کسی خاص منصب پر پہنچ گئے ہیں۔ اسلئے اللہ تعالیٰ نے فرمایا کہ ” جب انہوں نے بھلادیا جس کی انہیں یاد دہانی کرائی گئی تھی تو ہم نے ان پر ہر چیز کے دروازے کھول دئیے، یہاں تک کہ جب وہ اس پرخوش ہوگئے جو ان کو دیا گیا تو ہم نے اچانک ان کو پکڑلیا اور پھر مایوسی کی حالت میں پہنچ گئے۔
مفتی تقی عثمانی نے اسلام کو اپنے گھر کی کھیتی سمجھ رکھا ہے۔ جب وہ چاہے تو کھوجہ زبردستی سے اغواء بھی کرلے تو آرائیں لڑکی کا نکاح منعقد ہوجاتا ہے اور جب وہ چاہے تو کفاء ت میں عرف کا بھی اعتبار ہوجاتا ہے اور جب وہ چاہے تو بریلوی مکتب سے بھی نکاح نہیںہوتا اور جب وہ چاہے تو شیعہ سے نکاح ہوجاتا ہے اور جب وہ چاہے تو شیعہ سے نکاح نہیں ہوتا ہے۔ تضادات کا انبار ہے جس میں مفتی تقی عثمانی نے جس طرف چاہا فتویٰ دے دیا۔ جس کتاب کا جو حوالہ نقل کیا ہے ،اس میں واضح ہے کہ جب تک بچہ نہ جن لے ، اس کے بعد اس کا حکم مختلف ہے۔ انہوں نے تو حاجی عثمان کے معتقد پرعمر بھر کی حرامکاری اور اولاد الزنا کے فتوے بھی جاری کردئیے ۔ حالانکہ اس میں کفاء ت کا مسئلہ بھی نہ تھا۔
اس9،10سالہ بچی کیساتھ کتنی بڑی زیادتی فتوے میں کی گئی ہے کہ بالغ ہونے کے بعد لڑکا بھاگ گیا۔ مفقودالخبر ہوا۔ پانچ سال تک عدالت میں لڑکی اور اس کے باپ نے مقدمہ لڑا۔ فسخ نکاح کا فتویٰ ملا تو پھر دوسری جگہ شادی ہوئی اور پھر فتویٰ دیا کہ دوسرا نکاح غلط ہے ، پہلے کا نکاح برقرار ہے اور وجہ یہ ہے کہ باپ نے بچپن میں نکاح کرایا اور دوسرا یہ کہ بلوغت کے وقت نکاح توڑنے کی بات نہیں کی۔ حالانکہ یہاں تو معاملہ یکسر مختلف تھا ، مولانا اشرف علی تھانوی کے فتوے کو بھی نہیں مانا تھا۔ اب تو مولانا سلیم اللہ خان وغیرہ سب کو چھوڑ دیا ہے۔

www.zarbehaq.com
www.zarbehaq.tv
Youtube Channel: Zarbehaq tv