سورہ نازعات کے پہلے رکوع میں فتح مکہ اور دوسرے رکوع میں پاکستان کی سرزمین سے انقلاب عظیم کی خبر

اثریٰ حق و احمد سعید اور ماہر آبی امور ڈاکٹر حسن عباس کا پورا پروگرام قارئین دیکھیں جس میں ترقی وعروج کا واحد راستہ ہے اور پھر قرآن کریم کی تفسیر کی روشنی میں دنیا کی ترقی و عروج کا انقلاب عظیم دیکھ لیں۔

دورِ جاہلیت میں کافروں کیلئے فتح مکہ سے سپر طاقتوں فارس و روم کو شکست اور1924تک خلافت کا قائم رہنا سمجھ سے بالاتر تھا لیکن موجودہ دور میں انقلاب عظیم کی خبر وہ سائنس ہے جس کو سمجھنا مشکل نہیں

فتح مکہ:اذا جاء ت الصاخہ

النازعات غرقاً لڑائیوں میں غرق پہلے اور موجودہ دور میں انسانوں کی بدترین کیفیت ہے۔

والناشطات نشطاً انقلاب کے وقت تمام جاہلانہ تعصبات کے بندھن کھلنے کی کیفیت ہے۔
والسابحات سبحاً فضاؤں میں موجودہ آلودگی ہے۔ جس کا عنقریب خاتمہ ہوگا۔ انشاء اللہ

فاسابقات سبقاً قرون اولیٰ اور آخرین دور میں سبقت لے جانے والی دو جماعتیں ہیں۔

فالمدبرات امراً عالمی انقلابات کیلئے تدبیر کرنے والے فرشتوں کی جماعتیں مراد ہیں۔

یوم ترجف الراجفة جس دن فتح مکہ کے پہلے مرحلے میں مشرکین مکہ پر لرزہ طاری ہوگا ۔ تفسیر و تعبیر کیلئے فتح مکہ کا پورا منظر مطالعہ کریں

تتبعھا الرادفة جس کے بعد دوسرا لرزہ آئے گا جس میں نبی ۖ نے فتح مکہ کا عظیم خطبہ دیا۔

لا الہ الا اللہ وحدہ لا شریک لہ صدق وعدہ و نصر عبدہ، و ھزم الاحزاب وحدہ۔الا ! کل ماثرةٍ او دمٍ او مالٍ یدعٰی فھو تحت قدمی ھاتین۔(فتح مکہ کا خطبہ)
اللہ کے سوا کوئی معبود نہیں جو یکتا و تنہا ہے۔ اس کا کوئی شریک نہیں، اس کا وعدہ سچا ثابت ہوا، اس نے اپنے بندے کی نصرت فرمائی اور محض اسی نے تمام گروہوں کو شکست دی۔خبردار! ہر موروثی استحقاق ، ہر خون اور مال جس کا دعویٰ کیا جائے وہ میرے ان دونوں قدموں کے نیچے ہے۔

قلوب یومئذٍ واجفة کئی دل جس دن دھڑک رہے ہوں گے۔(سردارانِ قریش کے)

ابصارھا خاشعة ان کی آنکھیں خوفزدہ ہونگی

یقولون ء انا لمردودون فی الحافرة

کہتے ہیں کہ کیا ہم کھڈوں میں لوٹیں گے۔
ااذا کنا عظاماً نخرة کیاجب ہم بوسیدہ ہڈیاں ہوجائیں گے ؟۔ قالوا تلک اذًا کرة خاسرة کہا انہوں نے کہ یہ تو پھر اس وقت خسارے کا لوٹنا ہوگا۔ فانما ھی زجرة واحدة بیشک وہ تو ایک ہی ڈانٹ ہے۔

فاذا ھم بالساھرة  جب وہ میدان میں ہوں گے

فتح مکہ میں قیامت صغریٰ کا مظاہرہ

(پھر فتح مکہ کے بعد کیسے حاضر ہوگئے؟)پھر اللہ نے مزید فرمایا۔

”کیا آپ کے پاس موسیٰ کی بات پہنچی ہے؟۔ جب اس کو پکارا اپنے رب نے وادی مقدس طویٰ پر جاؤ فرعون کی طرف بیشک وہ سرکش ہوچکا ہے، پس کہو کہ کیا تیرے لئے مناسب ہے کہ تو پاک ہو؟۔ اور میں تجھے تیرے رب کی طرف رہنمائی کروں تو آپ کچھ خوف کرو۔ پس اس نے اس کو بڑی نشانی دکھائی۔ تو اسے جھٹلایا اور نافرمانی کردی۔ پھر وہ مڑا کوشش کرتا ہوا ، تو اس نے جمع کیا پھر پکارا، پس کہا کہ میں تمہارا رب ہوں اعلیٰ درجے والا۔ پس اس کو اللہ نے پکڑ لیا آخرت اور پہلی فرصت میں۔ بیشک اس میں عبرت ہے اس کیلئے جو خوف رکھتاہے”۔

انقلاب عظیم : الطامة الکبرٰی

اانتم اشد خلقاً ام السماء بناھا تم زیادہ سخت ہو تخلیق میں یا آسمان؟۔ ہم نے اس کو بنایا۔

زمین سے فضا میں سات زون ہیں ۔ ماحولیاتی آلودگی اور موسمیاتی تبدیلیاں تباہ کن ہیں ، جس پر قابو پانے کیلئے دنیا میں تدابیر ہیں اور مزید دریافت کیلئے کوشش جاری ہے۔ امریکہ خود کو خدا سے زیادہ طاقتورسمجھتا ہے لیکن اس کی قوت خاکستر ہوگی۔ اسی طرح دنیا کو تباہ کرنے والوں کا حال ہوگا۔ انشاء اللہ

رفع سمکھا فسواھا اس کی فضائی آلودگی کو اٹھایا پھر اس کو ٹھیک کردیا۔ (فضائی آلودگی کے خاتمے کیلئے یہ خطہ پہل کرے گاتو دنیا متوجہ ہوگی)

و اغطش لیلھا و اخرج ضحاھا اور اس کی رات کو تاریک تر کردیا اور نصف النہار کو نکالا ۔
(ہمارا نقش انقلاب چڑھتے سورج کو ذرا دیکھ)

والارض بعد ذلک دحاھا اور زمین کو اس کے بعد پھیلادیا۔ (تین قسم کے افراد پر دنیا کو تقسیم کیا جائے گا۔ دو قسم کیلئے دو دو باغات ہونگے)

اخرج منھا ماء ھا و مرعاھا اس سے اس کا پانی نکالا اور بقائے حیات کیلئے بڑے خزانے۔

والجبال ارساھا اور پہاڑوں کو خوب جمادیا

دریائے سندھ کے متاثرہ بہاؤسے جو موسمیاتی تبدیلی40ملین سال بعد آتی وہ انگریز کے نہروں کی وجہ سے200سال میں آگئی۔ کراچی سے کشمیر تک زیر زمین پانی کی سطح متاثر ہوئی ہے۔ زلزلوں کا سامنا اسی وجہ سے ہے۔ کراچی کینٹ اسٹیشن سے تیزی کے ساتھ بھاگتا ہوا سمندر عبد اللہ شاہ غازی کو کراس کرتا ہوا پیچھے جارہا ہے۔2050-60کے درمیان کراچی سمندر برد ہونے کا تخمینہ ہے۔

جب منصوبہ بندی سے نیا آبادی نظام ہوگا تو یہ سب کچھ بروقت بدل جائے گا۔ زیر زمین پانی کی سطح بھی بلند ہوگی اور پہاڑ خوب جم جائیں گے۔ قرآن اور ڈاکٹر حسن عباس کی مہارت کا نتیجہ ہوگا۔

متاعاً لکم ولانعامکم تمہارے لئے گزر کا سامان اور تمہارے چوپاؤں کیلئے۔ (بھلے کینگرو)

فاذا جاء ت الطامة الکبرٰی پس جب وہ عظیم انقلاب آئے گا ۔ (طرز نبوت کی خلافت)

یوم یتذکر الانسان ماسعٰی جس دن یاد کرے گا انسان جو اس نے دوڑ دھوپ کی ہے۔

وبرزت الجحیم لمن یرٰی اور ظاہر ہوگی انڈسٹریل ایریا کی دوزخ کرپٹ مجرم پیشہ کیلئے۔

”سو جس نے سرکشی کی اور دنیا کی زندگی کو ترجیح دی تو دوزخ اس کا ٹھکانہ ہے۔اور سوجو اپنے رب کے پاس کھڑا ہونے سے ڈرا اور اپنے نفس کو خواہشا ت سے روکا تو بیشک وہ جنت ہی اس کا ٹھکانہ ہے۔ آپ سے پوچھتے ہیں انقلابی گھڑی کا کہ کب آئے گی؟۔ آپ کا اس کے ذکر سے کیا ؟۔ تیرے رب کی طرف اس کی انتہا ہے بیشک آپ ڈرانے والے ہیں جو اس سے ڈرتا ہے۔ گویا اس دن دیکھیں گے کہ نہیں رہے مگر ایک شام یا صبح”۔ (النازعات)

اخبار نوشتہ دیوار کراچی، خصوصی شمارہ مارچ 2025
www.zarbehaq.com
www.zarbehaq.tv
Youtube Channel: Zarbehaq tv