پوسٹ تلاش کریں

شاہ لطیف کون تھا؟… دنیا کا پہلا فیمینسٹ شاعر

شاہ لطیف کون تھا؟… دنیا کا پہلا فیمینسٹ شاعر اخبار: نوشتہ دیوار

آج اس نے… پوچھا
شاہ لطیف… کون تھا؟

میں نے کہا:دنیا کا پہلا فیمینسٹ شاعر!

اس نے پوچھا:کس طرح…؟
میں نے کہا…اس طرح کہ :

وہ جانتا تھا کہ عورت کیا چاہتی ہے؟

اس سوال کا جواب… ارسطو بھی… نہ …دے پایا
اس لیے… علامہ اقبال نے کہا تھا:

ہزار بار حکیموں نے اس کو سلجھایا
پھر بھی یہ مسئلہ زن رہا وہیں کا وہیں
دنیا کے سارے دانشور اور شاعر کہتے رہے کہ

عورت ایک مسئلہ ہے

اس حقیقت کا ادراک… صرف لطیف کو تھا کہ
عورت مسئلہ نہیں…عورت محبت ہے!
مگر وہ محبت نہیں …جو مرد کرتا ہے!

مرد کے لئے… محبت جسم ہے
عورت کے لئے …محبت جذبہ ہے

مرد کی محبت…جسم کا جال ہے
عورت کی محبت… روح کی آزادی ہے
مرد کی محبت مقابلہ ہے ،عورت کی محبت عاجزی ہے
مرد کی محبت پل بھر، عورت کی محبت پوری زندگی ہے
مرد کی محبت افسانہ …عورت کی محبت حقیقت ہے!

سارے شعرا ء شیکسپئر سے لیکر شیلے تک
اور ہومر سے… لیکر ہم تم تک

سب یہ سمجھتے رہے کہ عورت… معشوق ہے
صرف شاہ …کو معلوم تھا کہ عورت… عاشق ہے

اس لیے …شاہ لطیف نے لکھا:
عورت …عشق کی… استاد ہے

سب سوچتے رہے کہ آخر عورت کیا چاہتی ہے؟

تخت؛ بخت اور جسم سخت؟…شاہ عبدالطیف کو علم تھا کہ عورت کو محبت چاہیے …نرم و نازک …گرم و گداز …جسم سے ماورا…جنس سے آزاد

مرد …جسم کے… جنگل میں
بھٹکتا ہوا ایک… بھوکا درندہ ہے

عورت روح کے چمن میں
اڑتی ہوئی… تتلی ہے
جو پیار کی پیاسی ہے

مرد کے لیے… محبت بھوک
اور عورت کے لیے… پیار
ایک… پیاس ہے!

صرف لطیف جانتا تھا

عورت کے ہونٹ ساحل ہیں
اور اس کا وجود ایک سمندر ہے

آنکھوں سے بہتے ہوئے…
اشکوں جیسا سمندر …جو نمکین بھی ہے…
…اور حسین بھی ہے!!…جس میں تلاطم ہے…
.جس میں غم ہے …جس میں رنج نہیں…

صرف اور صرف الم ہے

بزم سخن …پرنس ارمان۔ اسٹوڈنٹ کراچی یونیورسٹی

نوٹ: عورت کے حقوق کے حوالے سے شمارہ مئی صفحہ 4میں درج ذیل عنوان کے تحت یہ آرٹیکل پڑھیں۔

”اور آپ سے عورتوں کا فتویٰ پوچھتے ہیں کہہ دو کہ اللہ انکا فتویٰ دیتاہے اورجو تم پر قرآن پڑھاجاتا ہے ”

اخبار نوشتہ دیوار کراچی، شمارہ مئی 2025
www.zarbehaq.com
www.zarbehaq.tv
Youtube Channel: Zarbehaq tv

اس پوسٹ کو شئیر کریں.

لوگوں کی راۓ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اسی بارے میں

غیرت ، حیاء اور سورہ بلد
شاہ لطیف کون تھا؟… دنیا کا پہلا فیمینسٹ شاعر
قرآن کی کل محکم آیات500ہیں؟ پھر 500آیات منسوخ بھی ہیں؟ اسلئے امت مسلمہ گمراہی کا شکارہے!