مجھے کہا یزید کا نام نہ لو میڈیا آزاد نہیںمفتی شہریار

حجة الوداع میں رسول ۖ نے فرمایا :میں تم میں دو بھاری چیزیں چھوڑے جارہا ہوں قرآن و میری عترت

مفتی شہریار داؤد نے کہا کہ ہم خطبہ حجة الوداع کی بڑی بات کرتے ہیں۔ نبی اکرم ۖ نے فرمایا کہ میں اپنے بعد تم میں دو چیزیں چھوڑے جارہا ہوں۔ قرآن اور سنت ۔ ہر ایک یہی کہہ رہا ہے۔ یار! آپ اپنے اندر یہ اخلاقی جرأت کیوں نہیں پیدا کرتے کہ میں تمہارے درمیان دو چیزیں چھوڑے جارہا ہوں ایک قرآن اور دوسری اپنی عترت۔ صحابہ کیوں نہیں فرمایا؟۔ صحابہ کیلئے یہ بھی فرمایا کہ تم میرے کسی بھی صحابی کی اقتداء کرو گے تو ہدایت پاجاؤ گے۔ لیکن خطبہ حجة الوداع جو دنیا کا سب سے بڑا اجتماع تھا سوا لاکھ صحابہ تھے۔ جو پوری دنیا میں گئے، پہنچانا تھا پیغام نبی کا، دین مکمل ہوگیا تھا۔ فرمایا میں اہل بیت چھوڑ کر جارہا ہوں۔ کیوں؟ اس کی بڑی وجہ۔ صحابہ وفات پاگئے ۔ کئی نے شادیاں نہیں کیں۔ کئی کی اولاد نہیں ہوئی۔ اللہ نے فرمایا انا شانئک ھو الابتر۔اے محبوب ! تیرا دشمن بے نام رہے گا، لیکن تیری آل چلے گی۔ قیامت تک سید ہوگا۔ آخری سید مہدی محمد ہوگا وہی آکر دجال کو مارے گا۔ حضرت عیسیٰ علیہ السلام محمد رسول اللہ کا کلمہ پڑھیں گے۔ ہم کیوں نہیں سناتے کربلا کا واقعہ؟۔ کس نے کہہ دیانبی کی آل شیعوں کا ٹھیکہ ہے۔ یار! نبی ۖ نے فرمایا قرآن کی نص سے ثابت ہے۔ نص جس پر قرآن سے دلیل ہو۔ قرآن کی آیت مباہلہ اور آیت تطہیر نہیں ؟۔ میں تم سے کچھ نہیں مانگتا الا المودة فی القربیٰ اہل بیت کی مودت کا محبت سے بہت اعلیٰ مقام ہے۔جب معیار نہیں بنے گا اس وقت تک بچیں گے نہیں۔
اویس ربانی: یہ کونسا ٹولہ ہے کہ ذرا سے ذکر اہل بیت کیا علی علی کیا تو انہوں نے کہا کہ تفصیلی ہیں رافضی ہیں یہ۔ اب اس کا کیا کریں یہ بھی تو مسئلہ ہے؟۔
مفتی شہریار داؤد: میں حقیر طالب علم خدا کیلئے ہم انا کا خول توڑیں۔ گردن میں جو سرئیے ہیں ہاتھ جوڑ کر آپ کی جوتیاں پکڑ کر عرض کررہا ہوں۔ آج آنے والی نسل کو نہیں پتہ کہ مولا علی، مولا حسین،امام حسن کون ہیں؟۔ رسول کے اہل بیت کون ہیں ؟، اگر پتہ کرنا ہوتا ہے تو اہل تشیع علماء کے بیانات سنتے ہیں۔ جن میں بہت بڑے نام ہیں، شہنشاہ نقوی ،مسعودی اور باقر کو بہت اچھی طرح سے جانتا ہوں۔ کیا علماء اہل سنت کمی ختم نہیں کرسکتے؟۔ خدا کیلئے تفضیلیت کا لیبل ہر ایک پر نہ لگائیں۔ صحابہ کرام کا الگ، اہل بیت کا الگ مقام ہے۔ کیوں مقابلہ کرتے ہیں ؟۔ خدا کیلئے نہ مقابلہ کریں یہ مقابلے بازی کا کام ہے نہیں۔
اویس ربانی: کیا آپ اس بات کو تسلیم کرتے ہیں کہ حضور ۖ نے تو فرمایا کہ ہم نے اہل بیت کو چھوڑا، لیکن ہم نے اہل بیت کو چھوڑ ہی دیا۔
مفتی شہریار داؤد: اصول دیدیا کہ قرآن اور اہل بیت۔ خالی اہل بیت کو پکڑا تو گمراہ، خالی قرآن کو پکڑا تو گمراہ۔ کربلا نہ ہوتا تو خدا کی قسم حق و باطل کا پتہ ہی نہ چلتا تھا۔پھر تو وہی ہوتا جس کی لاٹھی اس کی بھینس۔ یزید آتے ہر دور کے اور کہتے ہیں ہم اتھارٹی ہیں۔ ہم جو کریں وہی حدیث وہی شریعت ہے۔ امام حسین کا کیا تھا مدینے میںبڑے آرام سے زندگی گزار تے۔ وظیفہ گورنری مل جاتی۔ آل رسول سے بڑی گدی کسی کی ہونی تھی؟۔ نہیں ۔ کہتے ہیں ناں کہ
جن کو دھوکے سے کوفے بلایا گیا، جنہیں بیٹھے بٹھائے ستایا گیا
جن کی گردن پہ خنجر چلایا گیا، اس حسین ابن حیدر پہ لاکھوں سلام
اگرامام حسین نے قربانی نہ دی ہوتی تو خدا کی قسم اسلام کا نام لیوا نہ ہوتا۔ یزید ، یزید صرف یزید ہوتا۔ میں کسی چینل پر گیا تھا، میڈیا کہتا ہے آزاد ہے؟۔ کوئی آزاد نہیں۔ مجھے کہا گیا کہ یزید کا نام نہیں لینا۔ دشمن اہل بیت یا دشمن حسین کہہ دینا۔ نہیں نام لوں یزید کا؟۔ یزید لعنت اللہ علیہ نہیں کہوں گا تسلی نہیں ہوگی۔ کیوں کروں ایسا پروگرام کہ حق وباطل کو بیان نہ کرسکوں۔ تو پھر ایسی فارمیلٹی ، نمازیں،عبادتیں اللہ منہ پر مارے گا۔ نہیں چلیں گی بھائی! تو پھر میں سوچوں کہ ایسے پروگراموں میں کیوں جاؤں؟، کہ میں حق و باطل کا نام ہی نہ لے سکوں۔
اویس ربانی: جو14سو سال پرانے یزید کا نام لیتے ہوئے گھبرارہا ہے تو موجودہ یزید کے تلوے چاٹے گا۔
مفتی شہریار داؤد: ہو یہی رہا ہے سسٹم یزیدی اور کہتے ہیں کہ ہم اہل بیت کے ماننے والے ہیں۔ ہم رسول اللہ ۖ کی جنت ، ایسے نعروں سے جنتیں ملنے لگیں ناں تو بڑے بڑے… بہرحال فتنہ بہت ہے آج کے دور میں۔ اپنے آپ کو بچاؤ، اہل بیت اور قرآن سے محبت رکھو۔مولاعلی فرماتے ہیں میری جب خواہش ہوتی ہے کہ میں اللہ سے بات کرو ں تو میں نماز پڑھتا ہوں۔ جب میں چاہتا ہوں کہ اللہ مجھ سے بات کرے تو میں قرآن پڑھتا ہوں۔ تو مجھے لگتا ہے کہ اللہ مجھ سے کلام کررہا ہے۔ تو جب یہ بتادیا مولا نے کہ دیکھو! تم قرآن بھی نہیں چھوڑنا اور ہم لوگوں کو بھی نہیں چھوڑنا۔ اگر ان کو چھوڑ دو گے تو گمراہ ہوجاؤ گے۔

___تبصرہ: نوشتہ دیوار___
صحابہ کرام و اہل بیت عظام سب کے سب ہمارے لئے قابل احترام ہیں، قرآن میں صحابہ کرام کے السابقون الاولون من المہاجرین و الانصار و الذین اتبعوھم باحسان کا بہت وضاحت کے ساتھ ذکر ہے۔ سنی مکتب کے مفتی فضل ہمدرد نے کہا کہ السابقون الاولون بھی اہل بیت ہیں۔ ہم مفتی فضل ہمدرد کو مشورہ دیں گے کہ خمیرہ گاؤزبان کھائیں جو باتیں اہل تشیع بھی نہیں کرتے ہیں آپ کیوں کس چکر میں متنازع بننے کے درپے ہیں؟۔ جن سبقت لیجانے والے انصار صحابہ کے بارے میں اللہ نے قرآن میں خوشخبری دی ہے ان میں ایک سر فہرست حضرت سعد بن عبادہ بھی ہیں جو ابوبکر و عمر کی خلافت کو نہیں مانتے تھے اور ان کے پیچھے نماز بھی نہیں پڑھتے تھے۔ لیکن اس کے باوجود آپ نہ تفصیلی شیعہ تھے اور نہ تبرائی رافضی۔ اہل سنت کے ایمان مجمل اور ایمان مفصل میں کسی صحابی و اہل بیت کا ذکر نہیں ۔
ظھر الفساد فی البر و البحر بما کسبت اید ی الناس”خشکی اور سمندر میں فساد برپا ہوا لوگوں کے اپنے ہاتھوں کی کمائی کے سبب”۔نبی ۖ کے اہل بیت کیساتھ کربلا میں جو ہوا اس کی وجہ کیا تھی؟۔ سنی یہ سادہ جواب دے سکتے ہیں کہ رسول اللہ ۖ نے بدری جنگی قیدیوں کیساتھ جو رعایت فرمائی اور فتح مکہ پر ابوسفیان کو عزت بخشی، اس کو اور اسکے دو بیٹوں امیر معاویہ اور یزید کو سو سو اونٹ دئیے۔ تو نتیجے میں انصار بھی خلافت سے محروم تھے اور ابوسفیان کے بیٹے معاویہ ، پوتے یزید ، پڑپوتے معاویہ کو خلافت ملی اور پھر بدری قیدی عباس کی اولاد کو خلافت ملی۔ شیعہ کہتے ہیں کہ سبق نہ دہد کمذات را، کمذات چوں عاقل شود گردندزدداستاد را۔شیخ سعدی مگر پھر حضرت عباس کی اولاد نے بھی اہل بیت پر مظالم کئے ان کو تو کمذات نہیں کہہ سکتے ہیں اسلئے تھوڑا گزارہ کریں۔

اخبار نوشتہ دیوار کراچی
شمارہ اکتوبر 2023
www.zarbehaq.com
www.zarbehaq.tv
Youtube Channel: Zarbehaq tv