عورت کو ترقی یافتہ ممالک نے مرد کے مساوی حقوق دئیے ہیں لیکن وہ عورت کے ساتھ بہت بڑا ظلم ہے۔ جبکہ اسلام نے عورت کو مردوں سے کئی لحاظ سے بہت زیادہ حقوق دئیے ہیں۔ حق مہر اور خرچے کی ذمہ داری اسلام نے شوہر پر ڈالی ہے خلع اور طلاق کے جن مسائل کے بہت واضح اور ٹھوس حل قرآن وسنت میں نکالے گئے تھے،افسوس ہے کہ علماء نے عورت پر مظالم اور مسائل کے انبار ہی لگادئیے ہیں۔ قرآن وسنت بہت واضح ہیں مگر فقہاء نے بہت الجھاؤ اور مکڑی کے جالے بنالئے ہیں۔
عورت بڑی امیر کبیر ہو یا غریب غرباء ، اس پر بہتان کی سزا 80کوڑے ہیں۔ اگر جج کو یقین ہو کہ سچ بول رہی ہے تو جنسی طور پر ہراساں کرنے، زنابالجبر میں رسولۖ نے اکیلی عورت کی گواہی کو معتبر قرار دیا ۔ کئی بک اسٹالوں پر موت کا منظر نامی کتاب ملتی ہے جس میں زنابالجبر کی سزا سنگساری ہے۔ اسلام نے عورت کو وہ تحفظ دیاہے جس کا حق ہر ماں، بہن، بیٹی اور بیوی کو ہونا چاہیے۔ مغرب کو حقیقی اسلام کا پتہ چل جائے تو عورت کو وہی حقوق کا قانون بنانے میں دیر نہیں لگائے گا۔