تم شیخ الاسلام کہلاتے ہو، عتیق گیلانی کی کتابیں ’’ ابررحمت‘‘ اور ’’تین طلاق کی درست تعبیر‘‘ کو پڑھ کر تصدیق یا تردید کمال ہوگا

پدو مارناپنجاب کی عام روایت ہے لیکن شعور بیدار ہوتا تو پیروں فقیروں سے سیاسی لیڈروں تک لتھڑی شلوار وں کو کم از کم پہچانتے

قادری!شریف برادری پر بھارت کے کھلے ایجنٹ کا الزام لگا کر پاک فوج کے ذمہ داروں پر کالک مل رہے ہو؟۔ڈاکٹر وقار حیدر

ڈاکٹرطاہرالقادری عجیب الخلقت قسم کا جانور لگتاہے، اپنے کرنے کا کام وہ کرتا نہیں، شیخ الاسلام ہو تو عتیق گیلانی کی طلاق سے متعلق تحقیق کی تصدیق یا تردید کردیتا، علماء کی دنیا میں نام کماتا، عوام کا امام بن جاتا۔ یہ انکے کرنے کا اصل کام تھامگر اس پر کان نہیں ہلاتا ہے، سیاست اسکے بس کی بات نہیں، جان سے بڑاعزت کا معاملہ ہے حلالہ کے نام پر عزتیں لٹ رہی ہیں، قرآن و سنت کیخلاف فتویٰ سازی کی فیکٹریوں سے کیا گھر تباہ کرنا ، خاندانوں کو اجاڑنا، بچے خوار کرنا قرآن اوراسلام کا وظیفہ ہوسکتاہے؟۔
اگر شریف برادران ’’را‘‘ کے ایسے کھلم کھلا ایجنٹ ہیں تو یہ تم جنرل راحیل، ڈی جی آئی ایس آئی اور فوج کے منہ پر کالک مَلرہے ہو۔ہمارے ادارے اس قدر نااہل اور احمق بھی نہیں کہ جوڈاکٹر طاہرالقادری سمجھ رہا ہے۔ میڈیا میں بیٹھے بہت سے وہ صحافی جن کو صحافت کرنا زیب نہیں دیتی ہے، گھوڑوں کو دیسی طریقہ سے خصی کرنے والے کو سلوتری کہا جاتا تھا، یہ لوگ گدھوں کے سلوتری لگتے ہیں۔
جب ڈاکٹر طاہرالقادری پہلی مرتبہ کنٹینر سجاکر اسلام آباد ڈی چوک میں دھرنا دیکر بیٹھ گئے تو شیر خواہ بچے بارش اور سخت ٹھنڈ میں بدحال تھے، جبکہ ڈاکٹر طاہرالقادری کے صاحبزادے اور برقعہ پوش جواں صاحبزادی دندناتے ہوئے ٹھنڈ پروف کنٹینر میں گھوم رہے تھے، یزید کے سامنے یہ نہیں ہوا تھا کہ کربلا میں بچے سامنے پیاس سے مررہے ہوں، یا سردی گرمی سے بدحال ہوں، اس شخص نے پوری قوم ، میڈیا کے سامنے جس بے غیرتی کا مظاہرہ کیا تھا اس پر آسمان کے فرشتے اور دنیا کے سمجھدار انسان کتنا افسوس کا اظہار کرتے ہونگے؟۔ جن غریبوں نے کبھی اسلام آباد دیکھا نہ تھا، ا نکے بچے کربلا کے نام پر قربان ہونے کیلئے سردی میں کنٹینر کے سامنے مررہے تھے، کھانے کو فاسٹ فوڈ مل رہا تھا تو غریب سمجھ رہے تھے کہ بلا کی سردی میں یہاں کھانے کایہ مزہ تو جنت کی طرف کوچ کرنے میں دیر نہیں ہونی چاہیے۔ ڈاکٹر طاہرالقادری اپنی خطابت سے انکے جذبات سے کھیل رہے تھے، یزید کے لشکر میں ایک’’ حر‘‘ سپہ سالار تھا لیکن قادری کے کنٹینر سے کسی ایک کی آواز نہیں آئی کہ اپنے جوان بچے محفوظ اور غریب کے شیر کوار بچے سردی اور بارش میں بدحال ہیں، اس وقت عامر فرید کوریجہ اتنا سوچ لیتے مگر پنجاب اور پاکستان کی عوام میں شعور کا فقدان ہے۔
اس وقت جس انقلاب کی بات ہورہی تھی، اس میں تحریکِ قصاص کا نام لینے کی گنجائش نہ تھی، اس وقت طالبان کا اسٹیبلشمنٹ سے گٹھ جوڑ تھا، خرم نواز گنڈہ پور وزیرستان کے ان علاقوں میں کھلے عام گھوم رہے تھے جن میں طالبان اور سیکورٹی ایجنسیوں کا مشترکہ راج تھا، جہاں وزیرستان کے اپنے باشندے بھی نہ جاسکتے تھے، اور خرم نواز طالبان کو فرشتہ صفت کہتے تھے، ڈاکٹر طاہرالقادری کا کردار یہ تھا کہ نیٹو نے مل کرکتوں کے ریلے کی طرح جب طالبان پر حملہ کیا تو مسلکی تعصب کی بنیادپر ریلے کیلئے کتیا کا کردار ادا کرتے ہوئے مظلوم کی پیٹھ میں چھرا گھونپ دیا اور ان پر کتاب لکھ کر فتویٰ لگادیا کہ ’’یہ خوارج اور قتل کے قابل ہیں‘‘۔ نیٹو نے پھر عراق، لیبیاوغیرہ کو بھی تباہ کردیا، حالانکہ طاہرالقادری کو اتحادامت کا داعی ہونے کی وجہ سے اپنے مسلک والوں نے باہر کیا تھا۔یہ تو غلط کہتا ہے کہ ’’ بارود والے نہیں درود والے ہیں‘‘ کبھی درود وسلام کی آواز انکے کنٹینر سے آئی؟، خود کو پہلی مرتبہ آمدپرطالبان کا بھائی کہا تھا۔ یہ توسیاسی رقص وسرودوالے ہیں۔اسلام آباد میں لاؤڈ اسپیکر خراب کرکے اپنے فسٹ کزن کے راگ ورنگ والے کنٹینر میں پہنچ گیا تھا، یہ پولیس کی پٹائی لگوارہا تھا، اور عمران خان پولیس کو طالبان کے حوالے کرنے کی سرِ عام دھمکی دے رہا تھا۔
جسطرح ایک پولیس افسر کی پٹائی لگائی گئی اور میڈیا نے اس کو کوریج بھی دی ،اگر نوازشریف اور مسلم لیگ(ن) کی حکومت میں غیرت ہوتی تو حکومت بچانے کے بجائے ڈاکٹر طاہر القادری کو اسی طرح میڈیا کے سامنے اسی پولیس افسر کی سرکردگی میں ان پولیس اہلکاروں سے پٹوادیتے جن کو اسلام آباد ائرپورٹ میں تشدد کا نشانہ بنایا گیا تھا۔ ان بے غیرتوں کو گھر کے احتجاج پر طیش آتا ہے لیکن پولیس افسر کی توہین اور تشدد کی کوئی پرواہ نہیں کی۔ میرا اپنا تعلق بھی سیالکوٹ سے ہے اور مجھے پنجاب کے بے شعور عوام پر ترس آتا ہے جن کو پیروں فقیروں سے لیکر سیاسی اور مذہبی لیڈروں تک سب بیوقوف بناتے ہیں،سرِ عام پدو مارنا تو عام سی بات ہے لیکن دھوتی ، شلوار اور پینٹ بھی گُو سے لتھڑی ہو تو کسی کو بدبو کا پتہ کیوں نہیں چلتا ہے؟۔ کئی دنوں سے مسلسل بک بک ہورہی ہے کہ ہمارے پاس سرکاری دستاویزی ثبوت ہیں کہ نوازشریف اور اسکا اتحادی را کا ایجنٹ اور اسکے پیرول پر ہے۔ پیرول پر ہونے کیلئے تو ضروری ہے کہ کوئی کسی کی کسٹڈی میں ہو اور اس کو وقتی طور سے چھوڑ دیا جائے، جب محمود خان اچکزئی بھارت کی کسٹڈی میں بھی نہیں تو پیرول پر کیسے ہوسکتا ہے؟۔ البتہ ڈاکٹر طاہرالقادری کے پاس بیرون ملک کی نیشنلٹی ہے اور یہ نیشنلٹی کس لئے دی گئی؟، ان سے یہاں فرقہ وارانہ فسادات کا کوئی نیا دور شروع کرانے کا پروگرام تو نہیں؟۔
ڈاکٹر عاصم حسین سے متعلق اقرارِ جرم کے بہت سے شواہد اور دستاویزی ثبوت کی باتیں کی گئیں اور اب شاہ زیب خانزادہ نے کسی کی تحقیق منظرِ عام پر لائی ہے کہ جن دہشت گردوں کے علاج کا معاملہ اٹھاکر بڑے بڑے مقدمات بنائے گئے، جن میں نامی گرامی لوگ شامل ہیں، ضیاء الدین ہسپتال سے ان لوگوں کے نام نکلوائے گئے تو وہ سب کے سب شریف شہری ہیں، ان میں سے کوئی بھی دہشت گرد نہیں اور نہ انمیں سے کسی کو پتہ ہے کہ ان کی بنیاد پر مقدمات قائم کئے گئے ہیں، رابطہ کرنے پر انہوں نے بتایا کہ پہلی مرتبہ آپ نے رابطہ کیا ہے اس سے پہلے اس سلسلہ میں کچھ بھی پتہ نہیں۔ اگر ریاست میں اتنے بڑے بڑے کام واقعی غلط طریقے سے ہوں تو یہ ملک شعور کا تقاضہ کرتا ہے، شعور سے انقلاب آسکتا ہے، اداروں، حکومت اور لیڈر شپ کے کردار کو بدلنا ہوگا۔

عمران خان نے اسفندیار ولی کو کراچی کے جلسہ میں مخاطب کرکے کہا کہ جب تمہاری حکومت تھی تو دوبئی سے خطاب کرتے تھے!

درست بات ہے لیکن اس وقت عمران خان نے اپنی دم ایسی گھسیڑی تھی کہ کرین سے بھی کھینچ لیتے تو کٹ سکتی تھی نکل نہیں سکتی تھی

پہلے جناح کے مزار کے پاس جلسہ میں الطاف کیخلاف بولنے کی جرأت نہ کی تھی زہرہ شاہد کی تعزیت بھی نہ کی تھی۔ فاروق شیخ

یہ سیاسی لیڈر ہیں یا کوئی جوکر اور مداری؟ کیا عوام کو اتنا نادان سمجھ رکھا ہے کہ جو بکتے جاؤ، کسی نے نوٹس ہی نہیں لینا ہے۔ اگر یہ تماشہ جاری رہا تو لوگوں کے دلوں میں الطاف بھائی کی قدر ومنزلت بیٹھ جائے گی۔ کراچی کو اگر الطاف حسین کے شر، سحر، لیڈر شپ اور محبت سے فارغ کرنا ہے تو کسی ڈھنگ کے آدمی کو لانا پڑے گا۔ نشتر پارک میں الطاف حسین کے مقابلہ میں جلسہ کرنا تھا تو اسفندیار ولی کو کیوں یاد کیا؟، یاد کرنا بھی تھا تو کوئی ڈھنگ کی بات ہی کرلیتے، یہ کہتے کہ طالبان جیسی دہشت ، خون خرابہ اور مظالم کا تاریخ انسانی میں کوئی مثال نہیں ملتی۔ ریاست اپنے ڈھیر سارے وسائل کے باوجود اتنی خوفزدہ تھی کہ مظلوم عوام کا تماشہ دیکھتی رہتی تھی ، مرد کا بچہ میاں افتخار حسین تھا جس نے اپنے اکلوتے بیٹے کو قربان کیا، بشیر احمد بلور تھا جو دھماکوں کے بعد پہنچ جاتا اور کہتا کہ آج ان شہیدوں کو ہم پوچھنے آرہے ہیں، کل ہماری لاش بھی یہیں پڑی ہوگی، افضل خان لالا تھا جس نے سوات سے آخری وقت تک کوچ نہیں کیا بلکہ مردانہ وار موت کا سامنا کرنے کی حد تک اپنی جگہ پر کھڑا رہا ہے، واہ یہ لوگ! باچاخان نے انگریز کیخلاف جدوجہد کابیج بویا تھا ، طالبان کا دور تو بہت خوف، دہشت اور خون خرابے کا دور تھا، یہ بہادری ان کو وراثت میں ملی تھی۔ او تحریک انصاف کے ورکرو!، سن لو، ہمارے اندر ملالہ یوسف زئی جتنی جرأت بھی نہیں۔ زندہ قیادت ایسی ہوتی ہے جیسے اسفندیار خان کے کارکنوں اور رہنماؤں نے طالبان کے آگے اپنا سر نہیں جھکایا ، ہمارا ان سے نظریاتی اختلاف ہے لیکن بہادری سے اپنے غلط نظرئیے کیلئے ابوجہل کو بھی لڑنا پڑے تو اس کو بزدل نہیں کہا جاسکتا، یہی وجہ تھی کہ ان کا صاحبزادہ حضرت عکرمہؓ جب اسلام قبول کرتے ہیں تو باپ کی بہادری کے جراثیم اسلام کیلئے استعمال کرتے ہیں۔
عمران خان اے این پی کی بہادری کی داستان سناتا تو اپنے کارکنوں میں بھی غیرت جاگ اٹھتی، یہ جذبہ کراچی کی مشکل صورتحال میں کام آتا، ایک جنرل نیازی نے سقوطِ ڈھاکہ میں ہتھیار ڈال دئیے تھے مگر نیازی ایک بہادر قوم ہے، پتہ نہیں عمران خان نیازی کہلوانے سے کیوں کتراتا ہے؟۔ اچھا ہے ان کا نام لیکر ان کو بدنام نہیں کرتا، الٹی سیدھی باتوں سے کیا حاصل ہوتا ہے؟، اگر انسان میڈیا پر ہو، عوام سے مخاطب ہو تو کوئی اچھا پیغام جانا چاہیے، عمران خان سمجھتا ہے کہ کسی اور پر کیچڑ اچھال رہا ہے اور اسکے جیسے جماعت کے رہنما اور کارکن بھی نہ کچھ سوچتے اور نہ سمجھتے ہیں ۔ نشتر پارک سے زیادہ دور جناح کا مزار نہیں، جہاں اسی عمران خان نے الطاف حسین سے مل کر جلسہ کیا تھا، کوئی لفظ بولنا تو چلو کوئی تاویل ہوسکتی ہے، زہرہ شاہد کی تعزیت کیلئے بھی نہ گیا، ایسی بزدلی کا مظاہرہ کرنے پر کراچی والوں کو پتہ چل گیا تھا کہ لغو قسم کی بکواس کرتا ہے، رینجرز اور پاک فوج کا شکریہ کھلے لفظوں میں ادا کرتا کہ طالبان کی دہشت اور متحدہ کی وحشت سے آزاد کردیا۔
لوگوں کے حافظے اتنے کمزور نہیں ہیں،الٹی سیدھی باتیں تو ہیجڑے بھی بول سکتے ہیں، جب کسی کا دور ہو تو اسکے خلاف آواز اٹھانا مردانگی ہوتی ہے۔ انڈیا کے اداکاروں کو بلواکر شوکت خانم کیلئے فنڈ اکٹھا کیا جاتا تھا، اگر اسوقت اسامہ بن لادن کی بھتیجی وفا بن لادن کو امریکہ سے لایا جاتا تو زیادہ سے زیادہ فنڈز بھی ملتے اور شدت پسند بھی دوسروں پر اٹیک کرنے سے رک جاتے کہ گھر کا معاملہ بھی ٹھیک نہیں ۔ مفتی سعیدخان نے رمضان میں اعتکاف کرنے والوں سے اپنی ہی مسجد چتھر پارک اسلام آبادجی ٹی روڈ مری میں خطاب کیا کہ ’’ مودی مذہبی ذہنیت رکھتا ہے، میں نے عمران خان کو مشورہ دیا کہ اسکو گائے ہدیہ کیا جائے‘‘۔ عمران خان کو چاہیے کہ سیاست چھوڑ کر کوئی دوسرا کام کرے، اسلئے کہ لوگوں میں بہت شعور ہے، پہلے یہ سمجھا جاتا تھا کہ امپائر کی انگلیوں کے اشارے سے کوئی تاراج ہوگا اور اس کو تخت پر بٹھایا جائے گا، اس قسم کا ایک اشتہار بھی فیض کے اشعار سے بنایا گیا ہے کہ ’’جب تخت اچھالے جائیں گے‘‘ جس میں جنرل راحیل شریف کیساتھ عمران خان کی تصویر بھی دکھائی جاتی ہے۔حالانکہ یہ نظم تو عمران خان جیسے لوگوں کیخلاف ہی تو فیض نے لکھی تھی۔ ہیلی کاپٹروں میں گھمانے والوں کی امیدیں دم توڑ دیں گی تو عمران خان کو کوئی گدھا گاڑی پر بھی نہیں بٹھائے گا۔ اب تو امید کی وجہ سے ریلے میں وڈے (بڑے)وڈے ساتھ ہیں۔
عوام کو فیصل واوڈا نے بے جا تکلیف دی تو عمران اسماعیل نے کہا کہ اس کام سے پارٹی کا کوئی تعلق نہیں ہے لیکن اگر حکومت نے اس کو رہا نہ کیا تو ہم اپنا لائحہ عمل دیں گے۔ ہاتھی جیسے عمران اسماعیل کو بغیر سینگ والے بکرے کی طرح ایک بوڑھے شخص نے جیسے کیمرہ کے سامنے بھگایا اس سے اس کی ہمت کا بخوبی پتہ چلتا ہے۔ عوام کو اتنی تکلیف ہوئی، لوگ ائرپورٹ نہیں پہنچ سکے ، اس کا تعلق اگر خالی معافی مانگنے سے ہو تو قانون کا کیا فائدہ؟۔ ایک دن پولیس اس کو کھلی گاڑی میں بٹھادے اور اس وقت ٹریفک کی روانی میں عوام سے کہے کہ لعنت دیتے ہو تو بھی تمہاری مرضی اور یہ سمجھتے ہو کہ تنگ کرکے کارنامہ انجام دیا ہے سیلوٹ کرتے ہو تو بھی تمہاری مرضی۔ پھر اندازہ لگ جائیگا کہ کتنے لوگ لعنت ملامت کرتے ہیں۔ الطاف حسین سے لوگ اسلئے تنگ تھے کہ روز روز یہ ٹریفک کی کہانی ہوتی تھی۔ اب اگر اس کی جگہ واوڈا جیسوں کو لانا ہے تو لوگ ریاست کو ہی قصور وار قرار دینگے۔ راؤ انوار نے بذاتِ خود پکڑ کر زبردست کام کیا، عوام اور اہل اقتدار کی طرف سے ان کا شکریہ ادا کرنا چاہیے تھا۔ کراچی کے لوگ بینروں، جماعتوں، ہڑتالوں اور اس قسم کی ساری حرکتوں سے تنگ ہیں، جو غلط حرکت کرے اس کا گھر بار، کاروبار بیچ کر نقصان کا ازالہ کیا جائے۔ دو چار کیساتھ ایسا ہوگا تو عوام کو نجات مل جائیگی،نئے وزیراعلیٰ سے اُمیدیں دم توڑ رہی ہیں، وقت سے پہلے ٹرالر چھوڑ دئیے جاتے ہیں ، قائدآباد سے ملیر ہالٹ روزانہ عذا ب کا منظر پیش کرتاہے ۔ گلشنِ حدید لنک روڈ کے ٹوٹے پل کیلئے شہبازشریف سے کوئی نسخہ لیتا تو عوام کی مراد بھر آتی۔

جاویدپراچہ نے انکشاف کیاتھا کہ شہباز تاثیر کی اطلاع طالبان نے چوہدری نثار کو دی تھی، پھر سلیم باجوہ کو کیوں بدنام کردیا ؟

پہل کرنے میں چوھری کی عزت ہے ورنہ پھر شکوہ ہوگا کہ ’’ بڑے بے آبرو ہوکے اس کو چے سے ہم نکلے‘‘ایڈیٹر:اجمل ملک

آرمی چیف جنرل راحیل شریف کی طرف قومی ایکشن پلان پر اس کی روح کے مطابق عمل کرنے کا بیان آیا ، تو چودھری نثار نے کہا کہ یہ بات غلط ہے کہ سول حکومت قومی ایکشن پلان پر عمل نہیں کرتی ہے۔ چوہدری نثار کی بات درست ہے تو ناصر جنجوعہ کو کیوں آخر میں ذمہ داری سونپی گئی ہے؟۔ وزیراعظم نوازشریف نے اس میں کس قسم کی دلچسپی کب ظاہر کی ہے؟۔ اگر نوازشریف اپنی ذمہ داری کا ثبوت دیتے تو سانحہ کوئٹہ کے موقع پر حکومتی صفوں میں بدمزگی پیدا کرنے کا سوال ہی پیدا نہ ہوتا۔ مولانا محمد خان شیرانی اور محمود اچکزئی کا تعلق حکومتی اتحاد سے ہے۔ وزیرداخلہ کا محمود اچکزئی کے بیان کا نوٹس لینا اور مولانا شیرانی کے بیان کا نوٹس نہ لینا وزیراعظم کی طرف سے عدمِ دلچسپی کا ثبوت ہے۔ وزیردفاع اور وزیرداخلہ کا آپس میں رابطہ نہیں ہے تو اس سے بڑھ کر اور کیا ثبوت ہوسکتا ہے کہ قومی ایکشن پلان پر عمل ’’ ضربِ عضب‘‘تک محدود ہے۔
جن لوگوں نے ساری زندگی فوجی امریت کے سایہ میں گزاری ہو، جو دہشت گردوں سے ہمدردی رکھتے ہوں ان کو قومی ایکشن پلان کے تقاضوں کا کوئی پتہ بھی کہاں سے چلے؟۔یہ عرفان صدیقی جیسے مشیروں کے مرہونِ منت ہیں، جس نے حامد میر کے پروگرام کیپٹل ٹاک میں کہاتھا کہ ’’ رفیق تارڑ نے کلاشنکوف بردار جرنیلوں کے سامنے بہادری کا مظاہرہ کرتے ہوئے استعفیٰ نہ دیا تھا‘‘۔ حامد میر نے ہنسی ضبط کرتے ہوئے مزاحیہ انداز میں پوچھا ’’ رفیق تارڑ نے‘‘۔ جنکے مشیر عرفان صدیقی جیسے لوگ ہوں، وہ وزیراعظم اور سول حکومت کو کس طرح قومی ایکشن پلان پر اس کی روح کے مطابق عمل کرائیں گے؟۔ عرفان صدیقی کا مشیر ہونا اس بات کی غمازی کرتاہے کہ قومی ایکشن پلان پر اس کی روح کے مطابق عمل نہ کرنے کے ذمہ دار وزیراعظم نوازشریف نے دہشت گردوں کو یہ پیغام دیا ہے کہ ’’ہماری ہمدردیاں آپ کے ساتھ ہیں، عرفان صدیقی کو اپنا مشیر رکھنا اس کا بین ثبوت ہے۔ فوج کو الجھانے کیلئے محمود خان اچکزئی ، مولاناشیرانی اور مولانا فضل الرحمن کو اپنی حکومت اور اتحادیوں میں شامل رکھنا بھی اس کی ایک وجہ ہے‘‘۔
جب سلمان تاثیر کے صاحبزادے کو رہائی مل گئی تو بلوچستان حکومت کی طرف سے یا جوبھی ذریعہ تھا، آئی ایس پی آر سلیم باجوہ نے بیان دیا کہ’’ ایک فوجی ایکشن کے ذریعہ سے شہباز سلمان کو رہائی دلائی گئی ہے‘‘۔ چوہدری نثار نے آئی ایس پی آر کو ذلیل کرنے کیلئے باقاعدہ انکوائری کمیٹی کا اعلان کیا تاکہ اس قسم کے جھوٹ سے آئندہ قوم محفوظ رہے۔ بڑی اچھی بات ہے، عزیر بلوچ کا اعلان ہوا کہ کراچی میں داخل ہوتے وقت رینجرز نے اپنی تحویل میں لیا تو چوہدری نثار کو چاہیے تھا کہ وضاحت کرتا کہ کسی نے ان کو حوالہ کردیا ہے ۔ سچ قوم کے سامنے لانے کی ضرورت ہے۔ لیکن شہباز تاثیر کی خبر پر اتنا بڑا ایکشن کیوں لیا گیا تھا ؟،اس حقیقت تک جانے کی سخت ضرورت ہے۔
کوہاٹ کے جاوید ابراہیم پراچہ نے ایک ٹی وی چینل پر خصوصی انٹرویو دیا تھا کہ ’’ شہباز تاثیر کی رہائی کے معاملہ سے وزیرداخلہ کو آگاہ کیا تھا‘‘۔ اگر جاوید ابراہیم پراچہ کی خبر درست ہے تو مطلب یہ ہوا کہ وزیرداخلہ کو اطلاع مل چکی تھی، طالبان سے اس کے ذاتی مراسم فوج ، ریاست اور حکومت سے زیادہ ہیں، پھر اس کی ذمہ داری تھی کہ خواجہ آصف کے ذریعے یا براہِ راست آئی ایس پی آر کو آگاہ کردیتا، ایک تو اس نے اپنی ذمہ داری پوری نہیں کی اور دوسرا یہ کہ سلیم باجوہ کو ذلیل کرنے پر کمیٹی تشکیل دینے کی بجائے قوم کو سچ بتاتا کہ ’’ اس کو طالبان نے اطلاع دی تھی، اسلئے سلیم باجوہ کو غلط اطلاع کسی نے دی ہے‘‘۔ محمود خان اچکزئی اور مولانا محمد خان شیرانی کو چاہیے کہ وزیرداخلہ کی خبر لیں، تعلقات اس نے بحال رکھے ہیں اور الزام تراشی فوج پر ہورہی ہے؟۔
جنرل راحیل شریف کی بات سوفیصد درست ہے کہ قومی ایکشن پلان پر اسکی روح کیمطابق عمل کرنا ہوگا۔ چوہدری نثار جس ولی خان اور محمود اچکزئی کی شخصیت سے متأثر ہیں، اس میں خود کوئی صلاحیت ہوتی تو ان لوگوں سے کیوں متأثر ہوتا۔ رؤف کلاسرا کے انکشاف کو درست ثابت کرنے کیلئے شاید وزیرداخلہ چوہدری نثار نے غیرت کا مظاہرہ کرتے ہوئے جنرل راحیل شریف کے بیان کی تردید کردی ہے، اگر وہ جنرل راحیل کے بیان کی تردید نہ کرتا تو کیسے ثابت ہوتا وہ ان شخصیات سے واقعی متأثر تھا۔ جب الیکشن ہورہے تھے تو چوہدری نثار نے ایک حلقہ سے اپنی آزاد حیثیت سے بھی حصہ لیا تھا، جس کا مطلب یہ تھا کہ وہ نوازشریف اور پارٹی پر پورا اعتماد نہیں کرتاتھا اور پارٹی کا اسکے خیال میں اس پر بھی سوفیصد اعتماد اور بھروسہ نہیں ، ایک حلقے سے آزاد الیکشن لڑنا کوئی کم ثبوت نہیں ۔ تحریکِ انصاف اور ڈاکٹر طاہرالقادری کے دھرنوں سے لیکر مختلف مواقع پر اس کو اپنی مشکوک حیثیت کا طعنہ دیا گیا، بعض اوقات اس نے صفائی بھی پیش کی، اگر عمران خان سے اقتدار کی امید ہوتی تو شاید ایاز صادق کی طرح ادھر سے ادھر بھی ہوجاتا۔ کسی پارٹی میں قیادت کی ناراضگی کے باوجود اہم ذمہ دار عہدوں پر رہنا بھی تو بڑے ہی دل گردے کا کام ہے، یہ تو وہ جانے جس پر بیتے، اللہ تعالیٰ تمام مؤمنین ومؤمنات، مسلمین ومسلمات، خواتین و حضرات سارے انسانوں کو ایسے کرب و بلا کی صورتحال سے اپنے حفظ و امان میں رکھے۔آمین یا رب العالمین۔
بالکل آخری مرحلے میں جب چوہدری نثار نے وزیراعظم نواز شریف کے ساتھی محمود خان اچکزئی اور مولانا فضل الرحمن کی بھی مخالفت مول لے لی، پھر نہ جانے کیا ہوا کہ’’چوہدری نثار نے جنرل راحیل شریف کے بیان کی تردید کو ضروری خیال کیا؟‘‘، آخری مرحلہ میں وقت بتائے گا کہ اچھا کیا یا برا؟۔ اپنے سابقہ بیانات کی تلافی کرنی تھی یا خورشیدشاہ کو ساتھ بٹھانے پر جنرل راحیل کو بھی طیش اور انتقام کا نشانہ بنایا؟۔ وزیراعظم سے بروقت چوہدری نثار لاتعلقی کا اعلان کردیں۔ نہیں تو وہ وقت قریب لگتا ہے کہ شکوہ کرینگے کہ ’’ بڑے بے آبرو ہوکے اس کوچے سے ہم نکلے‘‘۔

ایسا حافظہ تو چوہے کا بھی نہ ہوگا، کون اپنا شکار کھیلنے کیلئے اتنی دور جاکر بھول سکتا ہے، یہ سچ ہے کہ’’ دروغ گو راحافظہ نہ باشد‘‘

جھوٹے کا حافظہ نہیں ہوتا، بچوں کے احتساب تک قوم سے جتنے وعدے تھے سب لغو قسم کی باتیں تھیں۔ عبدالقدوس بلوچ

وزیراعظم نوازشریف خود کو بڑا معصوم نیک، باکردار، مخلص، انسان دوست، مذہب پرست، ملک وقوم کا وفادار، باصلاحیت اور ہر قسم کی چھوٹی موٹی غلطیوں سے مبرا خیال کرتا ہے اور یہ اسکی حماقت کی بہت بڑی دلیل ہے، انسان سے غلطیاں ہوتی ہیں، کمزوریاں اور گناہ ہوتے ہیں، کرپشن ہوجاتی ہے، نااہلی یا حماقت کا مظاہرہ ہوجاتا ہے، اعتراف کرنے سے پکڑ ہوجائے تو دبے الفاظ میں کھل کر اپنی کمزور حیثیت کا اعتراف کرلیتا ہے تو اس سے لوگوں کے دل میں محبت، عقیدت، احترام اور اچھے جذبوں کو پذیرائی مل جاتی ہے۔سیاست کاروبار بناکر کی جائے ، بچوں کو خوب نوازدیا جائے تو یہ کہنا کہ ’’ میرا بچوں سے تعلق نہیں‘‘، بہت نامعقول بات ہے، قوم اتنی گئی گزری ہوتو وزیراعظم نوازشریف جو کھیل کھیلنا چاہے اس کی مرضی ہے۔ جن لوگوں کو مجاہد فورس کے نام سے متعارف کرایا ہے یہ وہی اُلو کے پٹھے ہیں جو پچھلی بار بھی آوازیں لگا رہے تھے کہ ’’ نواز شریف قدم بڑھاؤ، ہم تمہارے ساتھ ہیں‘‘۔ جب پرویزمشرف تمہارے اعصاب پر سوار تھا،تو تم نے جواب دیا کہ ’’چپ کرو، پہلے بھی یہ نعرے لگارہے تھے لیکن جب مجھے ہتھکڑی پہناکر لے جایا جارہاتھا اور پیچھے مڑ کر دیکھا تو کوئی بھی نہ تھا‘‘۔ ترکی کی فوج اور عوام سے مغالطہ نہ کھاؤ، کراچی کے مہاجروں کو دیکھا جو الطاف بھائی پر جان چھڑکتے تھے لیکن وقت آیا تو قیادت کا قلادہ گلے سے اتارپھینکا۔تم تو طالبان کے دوست تھے مگر جب راحیل شریف نے انکے خلاف فیصلہ کیا تو پہلے طالبان طالبان کا وظیفہ پڑھنے والے نے اب ’’ ضرب عضب ضربِ عضب‘‘ کی تسبیحات شروع کردیں۔
محترمہ بینظیر پر کراچی میں قاتلانہ حملہ ہوا، پھر بھی اس نے اپنی مہم جاری رکھی، آخر ایک بہادر باپ کی بہادر بیٹی تھی ، صحافی ہارون الرشید کے سر پر عقل کی بات پھسلتی اور تعصب کی بات چپکتی ہو تو یہ گنجے کے نصیب کی بات ہے۔ وہ ان کو بزدل سندھی اور تجھے بہادر پنجابی کہہ کراپنا کوئی مقصد حاصل کرنا چاہتا ہوگا، جنرل راحیل نے بھی سید خورشید شاہ کو عزت کے قابل سمجھا تو عزت دی۔ جھوٹے صحافیوں اور پیسوں سے کرایہ پر لی ہوئی عوام کی باتوں میں مت آنا،پاک فوج نے بدلنا نہیں، جتنے اثرات جنرل ضیاء الحق کے دور کے بعد فوج پر رہے ہیں اس سے زیادہ اثرات جنرل راحیل شریف کے بعد بدلتی ہوئی پاک فوج پر رہیں گے۔ماشاء اللہ، الحمدللہ۔
بدلے ہوئے جرنیل کا سب سے پہلا کام پنجاب کی غنڈہ گردی، کرپشن اور لاقانونیت کے خلاف راست اقدام ہوگا، انشاء اللہ ۔ وزیرقانون پنجاب رانا ثناء اللہ ، وزیر بجلی عابد شیرعلی اور دیگر وزراء کی کھلے عام دھمکیاں بڑے گھٹیا پن کا ثبوت ہے۔ آصف علی زرداری کو چوکوں پر لٹکانا تو درست تھا لیکن رائیونڈ کے محل کے سامنے مظاہرہ کرنا بڑی گستاخی ہے۔ ریاست میں بلوچوں کو کنٹرول کرنے کی طاقت ہو اور پنجابیوں کو کنٹرول کرنے کی طاقت نہ ہو ، تو وہ عوام جو پہلے بدظن تھے اور انکی بدظنی کو نوازشریف ، عاصمہ جہانگیر اور عمران خان وغیرہ بھی کسی حد تک سپورٹ کرتے رہے۔ ان میں سے بہت سوں نے بڑی غلطی کی کہ اپنے علاقے میں دوسری قومیتوں کو مار بھگایا۔ کراچی کے بعد بلوچستان کے حب سے لیکر گوادر ،تربت، پنجگور، قلات،کوئٹہ اور ایران تک بلوچ بھوک سے مرتے ہیں لیکن لوٹ مار ،چوری ،ڈکیتی نہیں کرتے۔ جن بلوچوں کو قومی دھارے میں لایا گیا ہے ان کی وجہ سے بلوچ عوام نے بھی سکھ کا سانس لیا ہے۔یہ لوگ پھر ریاست کیخلاف نہیں بلکہ پنجاب کے اس ظالم جابر اور ڈاکو کی سرپرستی کرنے والے سیاسی لیڈروں کے خلاف نکلیں گے جو عمران خان نیازی سے کہتے ہیں کہ’’ 24ستمبر کی تاریخ مت بدلو، مرد کے بچے بنو، رائیونڈ آجاؤ‘‘ یہ رانا ثناء اللہ وزیرقانون کی زبان ہے۔ عمران خان کو چاہیے کہ اپوزیشن سے مشورہ لینے کی بجائے بلوچ عوام کے پاس جائے۔ تاریخ کو برقرار رکھے۔ تبلیغی جماعت کیلئے اتنے سارے قافلے جاسکتے ہیں تو ایک دفعہ ملک سے بدمعاشی اور دادا گیری ختم کرنے کیلئے بھی عوام آجائیں گے۔
مجھے دکھ تھا کہ رانا ثناء اللہ کی آئی ایس آئی والوں نے مونچھیں اور بھنویں کیوں مونڈھ دیں مگر اب اندازہ ہے کہ یہ ماڈل ٹاؤن واقعہ کے باوجود ایسا مظاہرہ کرتا ہے تو پہلے کتنی بدمعاشی کرتا ہوگا؟۔ پاکستان کو چلانے کیلئے احمقوں، بدمعاشوں ، غنڈوں اور مفاد پرستوں کی بجائے پاکستان کی تمام قوموں سے مخلص ، ہوشیار، سمجھدار ، باوقار اور اچھے لوگوں کو قیادت وامامت کیلئے نکالنا ہوگا، چترال کی عوام تو سب ہی تقریباً اچھے اور شریف لوگ ہیں، وہاں ڈیم بناکر عوام کو سستی بجلی فراہم کی جائے ، افغانستان بھارت کی مدد سے اسی پانی پر ڈیم بنارہا ہے۔ نوازشریف نے مودی سے دوستی نبھانے کیلئے تو یہ مذاق نہیں کیا کہ خاص خوشخبری لیکر آیا ہوں لیکن ڈائری میں کاغذ ہے ، کاغذ مل نہیں رہا ہے، یہ تو ایک مذاق ہے، قومی اسمبلی ، سینٹ اور صوبائی اسمبلیوں میں اس پر بحث کی جائے اور نوازشریف سے وضاحت طلب کی جائے کہ اس کے پسِ پردہ عوامل کیا ہیں؟۔
نوازشریف عام لوگوں کے جذبات کو دیکھ کر دھوکہ نہ کھائیں، پشاور میں ہمارے اخبار ضربِ حق کا ایک قاری تھا ، وہ دو، دو اخبار ایک ساتھ لیتا تھا، ایک دن شاہ وزیر خان اس کو اخبار دینے گیا تو اس نے کہا کہ میں اخبار نہیں لیتا کافر ہوگیا ہوں، پوچھا کہ کیوں؟، اس نے کہا کہ میں نے اجمل خٹک کو یہاں آفس کیلئے جگہ دی تھی، ان پر بہت خرچہ کرتا تھا، میری بڑی دکان اس وجہ سے اتنی مختصر ہوگئی ہے، میرے ذہن میں تھا کہ پرویزمشرف اسے وزیراعظم بنادینگے اور میں اپنے خرچے کئی گنا وصول کرونگا لیکن ایسا نہ ہوسکا، اسلئے کافر بن گیا، شاہ وزیر نے کہا کہ کافروں کی تو بہت اقسام ہیں تم کونسا کافر بناہے؟، اس نے کہا جو سب سے زیادہ سخت ہوتا ہے ، وہ کونسا ہے ، شاہ وزیر نے کہا کہ ڈونگرا، اس نے کہا کہ بس میں وہی ہوں، شاہ وزیر نے کہا اجمل خٹک نے تمہیں یقین دلایا تھا؟، اس نے کہا کہ نہیں میں خود سے یہ سمجھ رہا تھا۔ عوام کالیڈروں سے لگاؤ خیالی پلاؤ کا ہی ہوتاہے۔