ایک ڈالر کے بدلے میں14ڈالر جاتے ہیں: ڈاکٹر لال خان

بجلی، گیس، تعلیم ، ٹرانسپورٹ اور علاج مفت کرکے پاکستان کی عوام کو غربت کی لکیر سے نکالا جاسکتا ہے!
چند افراد کو پکڑ کر لوٹا ہوا پیسہ واپس لایا جائے اورIMFاور سودی نظام سے جان چھڑائی جائے ۔لعل خان

انیق احمد وفاقی وزیر مذہبی امور پاکستان کا ایک یادگار پروگرام دیکھ لیں۔
ہمارے سیاسی کلچر میں تبدیلیاں واقع ہونا شروع ہوگئیں۔ شروع کے سال د وسال جو ضیاء الحق کے گزرے اس میں تو نظریہ قائم رہا لیکن پھر جب ضیاء الحق کی چھتری تلے سیاسی جماعتوں نے اعلانیہ یا خفیہ طور پر مفادات کے حصول کیلئے اپنے نظرئیے تبدیل کئے یا خود کو غیر نظریاتی کرلیا تو ملک میں دائیں بازو بائیں بازو کی نظریاتی سیاست کو زوال آنا شروع ہوگیا۔ خواتین و حضرات! سوال ہے کہ کیا کسی بھی ریاست اور معاشرے کیلئے نظریاتی سیاست مفید ہے یا مضر؟۔ ہمارے ملک کو غیر نظریاتی سمت لے جانے سے خاص طور پر ملک کے سیاسی کلچرنے عوام کو فائدہ پہنچا یا نقصان؟۔ بات کرینگے ملک کے ممتاز روشن دماغوں سے کہ ایسا سب کچھ کیوں ہوا؟۔ محترم ڈاکٹر لعل خان ۔ ممتاز کمیونسٹ رہنما۔ ڈاکٹریٹ آپ نے ہالینڈ سے کیا۔ بہت اہم پرچہ ایشین مارکسٹ ریویو کے آپ ایڈیٹر ہیں۔ اس کو عالمی سطح پر پذیرائی حاصل ہے۔ کیا آپ سمجھتے ہیں کہ پاکستان میں1970کے بعد ایسے حالات پیدا ہوئے اور ہمارے سیاستدانوں نے نظرئیے کو اہمیت دینا چھوڑ دی اور وقتی مفادات کے حصول کو اپنا شیوہ بنالیا؟۔
ڈاکٹر لعل خان: ٹروسٹکی نے کہا تھا کہ ہمارے سروں پر ایک نہیں دو آسمان ہیں، ایک نیلا، ایک پیلا آسمان ہے۔ اس پیلے آسمان پر مختلف سیاستدان ہیں، سپورٹس مین ہیں ، فنکار ہیں، دانشور ہیں جو اوپر گھوم پھر رہے ہیں ٹیلی ویژن پر تمام چیزوں پر۔ جس دن محنت کش طبقہ اس پیلے آسمان کو نیچے سے دیکھنے کے بجائے اوپر سے دیکھ لیتے ہیں تو انقلاب آتا ہے۔ اگر اکانو می ڈفرنس نہ ہو تو ہر سیاسی کمپرومائز ہوسکتا ہے کیونکہ پالیٹکس صرف رفلکشن ہے اکانومکس کی۔ سوال یہ ہے کہ اس معاشی بحران جس سے ہر روز10ہزار آدمی غربت کی لکیر سے نیچے جا رہے ہیں80فیصد لوگ نان سائنٹفک میڈیکشن پر مجبور ہیں۔50فیصد سے زیادہ بچے اسکول جانے کا سوچ نہیں سکتے۔ ان کنڈیشنز میں کونسی اکانومک پالیسی ہے ان پارٹیز کے پاس جو اس کو بدل سکتی ہے؟، کسی کے پاس نہیں ہے! ۔ تمام کی اکانومک پالیسی پیپلز پارٹی کے پاس ہے، پیپلز پارٹی لاگو نہیں کرتی۔ (لیکن پیپلز پارٹی لاگو نہیں کرتی۔ انیق احمد)۔ آپ اعلان کریں پیپلز پارٹی اور محترمہ بینظیر اعلان کریں کہ پاکستان میں اقتدار میں آنے کے بعد تعلیم مفت ہوگی، علاج مفت ہوگا، بجلی مفت ہوگی، ٹرانسپورٹ مفت ہوگی۔ دوسری چیز جو شامی صاحب نے دو باتیں کیں ایک سوویت یونین کے ٹوٹنے پر اور مارکس ازم کی ناکامی پر۔ (پیسے کہاں سے آئیں گے اس کیلئے؟ مجیب الرحمن شامی) ۔ وہ میں آپ کو بتادوں وینزولا میں تیل سے پیسے نہیں آرہے؟۔ مختلف ملکوں میں پیسے جو ہیں وہ اس لوٹ مار کو بند کریں۔IMFکے پیسے دینا بند کریں۔ امریکی سامراج کی لوٹ مار کو بند کریں۔ فوج پر جو خرچ ہورہا ہے وہ بند کریں۔ (پوری دنیا سے یہ کہیں کہ حملہ کرو ہم پر۔ مجیب الرحمن شامی)۔28آدمی ہیں پاکستان کے جن کے پاس پاکستان کےGDPسے زیادہ دولت ہے۔ باہر کے بینکوں میں پڑی ہوئی ہیں۔ آپ ان کو پکڑ لیں ان کو کہیں یہ پیسے لاؤ ۔ ہم یہاں تعلیم اور علاج مفت کرتے ہیں۔ کیونکہ ان لوگوں کی حکمرانی ہے۔ فوج پر بھی، ریاست پر بھی ، سیاست پر بھی۔ اس وجہ سے ان لوگوں نے آپ کو ہر جگہ مقید رکھا ہوا ہے۔ اور انقلاب کے بغیر ان لوگوں کا اقتدار ٹوٹ نہیں سکتا۔ لیکن ایک بات ضروری سمجھتا ہوں جو پوائنٹ شامی صاحب نے اٹھایا ہے ۔ انہوں نے کہا جی سوویت یونین ناکام ہوگیا مارکس ازم ختم ہوگیا یہ تو سطحی پروپیگنڈہ ہے۔ میں ایک فیکٹ آپ کے سامنے رکھنا چاہتا ہوں۔ فیکٹ یہ ہے کہ آپ مجھے1917سے لیکر1991تک کسی بڑی یونیورسٹی پرسٹن، سٹین فرڈ م،ہاروڈ، ژیل، جون ہوپکنس، سن جیمسز کسی یونیورسٹی میں کوئیPHDتھیسز دکھادے آکسفورڈ میں دکھادے ، کیمرج میں دکھادے میں نے اور میرے دوست نے ریسرچ کی تھیسز پر جو سوویت یونین پر ہو یا سوشل ازم پر ہو جس میں یہ جامع طور یہ پراسپیکٹیو دیا گیا ہو کہ سوویت یونین ٹوٹ جائے گی۔ اگر سوویت یونین کے ٹوٹنے کا پراسپیکٹیو کسی نے دیا تھا وہ صرف مارکسز تھے۔ لینن16جولائی1921،
He said burlon is a heart of europe, and Germany is a heart of world. If there is no revulation in Germany ….
آگے اسی اسپیچ میں لینن کیا کہتا ہے:
Even if you sacrificewe shall no hesitate for a second
1936 لیون ٹراسٹکی اس نے کتاب لکھی ہے ”The Revolution Betrayed”آپ اس کتاب کو پڑھیں تو آپ کو ایسا محسوس ہوگا کہ1989سے1991تک جو واقعات ہوئے ہیں وہ ان کا ایک اسکرپٹ تھا جو ڈرامہ پچاس سال بعد دنیا کی اسٹیج پر پلے ہوا ہے۔……… لڑتے لڑتے ٹراسٹکی مرگیا اس سوشل ازم کے لئے آپ اس ہسٹری کو بالکل ضائع کردیں؟۔ کیونکہCNN،BBCبلکہ تمام میڈیا نہیں چاہتا کیونکہ میڈیا کے تمام مالکان اس حکمران طبقے سے تعلق رکھتے ہیں۔
سوال: اگر پاکستان میںحقیقی معنوں میں سوشل ازم آجائے تو کیا یہاں پر بجلی، تعلیم اور صحت فری ہوسکتی ہے؟۔ اور کیسے ہوسکتی ہے؟۔
لعل خان: پہلے تو بنیادی تعریف چاہئے کہ سوشل ازم اور کیپٹل ازم میں کیا فرق ہے؟۔ سرمایہ دارانہ نظام میں ہر چیز جو بنائی جاتی ہے آپ نے ٹائی پہنی ہوئی ہے ،یہ بوتل ہے ، یہ کاغذ ہے یہ اسلئے نہیں ہے کہ ہم ان کا استعمال کرتے ہیں ہر چیز کے بنائے جانے کا بنیادی مقصد پرافٹ ہے اور ریٹ آف پرافٹ ہے ورنہ کوئی چیز نہیں بنتی کیپٹل ازم میں۔1960کی دہائی میں لی لینڈ کا مالک تھا وہ پوری دنیا میں سب سے بڑی گاڑیاں بناتا تھا۔ اس سے پوچھا گیا کہ آپ دنیا میں سب سے زیادہ گاڑیاں بنارہے ہیں اور بیچ رہے ہیں۔ تو اس نے کہا کہ میں مارکیٹ گاڑیاں بنانے کیلئے نہیں آیا میں پیسہ بنانے کیلئے آیا ہوں۔ اب سوشل ازم اور کیپٹل ازم میں بنیادی فرق یہ ہے کہ سوشل ازم میں ہر چیز کے بننے کی پروڈکشن کی وجہ بدل جاتی ہے۔ یہاں سوشل ازم میں پروفٹ نکل جاتا ہےas an incentive، انسانی ضرورت اور انسانی ضروریات کی تکمیل بنیادی ترغیب(incentive) بن جاتی ہے۔ جس میں ایک مارکیٹ اکونومی ، کیورٹیک اکونومی جس کا مارکیٹ تعین کرتی ہے جبکہ سوشل ازم میں ایک پلینڈ اور ڈیموکریٹک اکونومی ہوتی ہے۔ پاکستان میں اگر سوشل ازم آجاتا ہے ۔ یہاں پر اتنی دولت ، اتنا سرمایہ ، اتنی لوٹ کھسوٹ ہے ہر ایک ڈالر جو پاکستان میں آرہا ہے وہ 14ڈالر واپس لیکر جارہا ہے یہ جو ڈائریکٹ فار انوسٹمنٹ کی بات کرتے ہیں۔ صرف یہاں یونی لیور جوAnglo Dutch Monopolyہے ، اس کی جو سالانہ یہاں پرافٹ کی انکم ہے وہ ہالینڈ کے بجٹ سے تین گنا زیادہ ہے۔ اسی طرح ملٹی نیشنل کی لوٹ کھسوٹ ہے امریکہ سامراج کی لوٹ کھسوٹ ہےIMFکی لوٹ کھسوٹ ہے اور پاکستان کے سرمایہ داروں اور جاگیرداروں کی لوٹ کھسوٹ ہے اس کو اگر ختم کردیا جائے تو اتنا سرمایہ بن سکتا ہے کہ ایک سال سے18ماہ میں یہاں پر تمام بنیادی سہولیات عوام کو فراہم ہوسکتی ہیں۔
انیق احمد: پاکستان کیلئے سوشل ازم انتہائی مفید ثابت ہوگا وہ سوشل ازم جو شکست سے روس میں دوچار ہوچکا ہے۔
ڈاکٹر لعل خان: وہ سوشل ازم نہیں تھا وہ انسٹالن ازم تھا لینن نے اس کو مسترد کیا تھا۔ ٹراسٹکی نے مسترد کیا تھا۔ جو انقلاب کے فاؤنڈرز تھے انہوں نے اس کو مسترد کیا تھا۔ ایک صرف یہ کہ21stصدی سوشل ازم کی ہے جس کا اعلان2005میں ہوگوشاویز نے کیا وینزویلا میں۔ وہ ابھی کمپلیٹ نہیں ہے لیکن آپ کے سامنے آج کے اس عہد اور اس وقت میں چار پانچ چیزیں ہیں کہ وہاں پر اس وقت تعلیم مفت ہے۔15لاکھ لوگ ایک سال میں ہنر مند ہوئے ہیں تعلیم یافتہ ہوئے ہیں۔ وہاں پر علاج مفت ہے اس کیلئے پیسے لینا جرم ہے۔ وہ آئل ایکسپورٹ کرکے کیوبا سے ڈاکٹرز امپورٹ کررہے ہیں۔25ہزار ڈاکٹرز امپورٹ کئے ہیں اور جو کیوبن ڈاکٹر کشمیر میں آئے تھے آپ کو پتہ ہے کہ ان کی صلاحیت اور میڈیکل سیٹ اپ کیا ہے۔
انیق احمد: ڈاکٹر صاحب! صدر وینزویلا کا صدر امریکہ کے ساتھ رویہ؟
ڈاکٹر لعل خان: اس نے چیلنج کیا اس نے کہا ہمارے پاس پہاڑ بھی بہت ہیں، درخت بھی بہت ہیں ،ہاتھ بھی بہت ہیں یہ کوئی عراق نہیں ہے آؤ ہم تمہیں بتائیں کہ جارحیت کا مطلب کیا ہوتا ہے۔
انیق احمد:یعنی ایک چیز قومی غیرت اور قومی حمیت بھی ہوتی ہے۔
ڈاکٹر لعل خان:اس نے20لاکھ کلاشنکوف عوام میں تقسیم کردئے کہ سامراج حملہ کرے تو ایک ایک بچہ لڑے گا مرے گا۔ یہ آج کا سوشل ازم ہے۔
*****************************************

ماہ ستمبر2023کے اخبار میں مندرجہ ذیل عنوان کے تحت آرٹیکل ضرور پڑھیں:
1:14اگست کو مزارِ قائد کراچی سے اغوا ہونے والی رکشہ ڈرائیور کی بچی تاحال لاپتہ
زیادتی پھر بچی قتل، افغانی گرفتار ،دوسراملزم بچی کا چچازاد:پشاورپولیس تجھے سلام
2: اللہ کی یاد سے اطمینان قلب کا حصول: پروفیسر احمد رفیق اختر
اور اس پر تبصرہ
عمران خان کو حکومت دیدو تو اطمینان ہوگا اورخوف وحزن ختم ہوگا
ذکر کے وظیفے سے اطمینان نہیں ملتا بلکہ قرآن مراد ہے۔
3: ایک ڈالر کے بدلے میں14ڈالر جاتے ہیں: ڈاکٹر لال خان
اور اس پر تبصرہ پڑھیں۔
بھارت، افغانستان اور ایران کو ٹیکس فری کردو: سید عتیق الرحمن گیلانی
4: مسلم سائنسدان جنہوں نے اپنی ایجادات سے دنیا کو بدلا۔
خلیفہ ہارون الرشید نے فرانس کے بادشاہ شارلمان کو ایک گھڑی تحفہ میں بھیج دی
5: پاکستان76سالوں میں کہاں سے گزر گیا؟
اور اس پر تبصرہ پڑھیں
نبی ۖ کے بعد76سالوں میں کیا کچھ ہوا؟
6: پہلے کبھی کانیگرم جنوبی وزیرستان میں ماتمی جلوس نکلتا تھا،آج اسکا کوئی تصور بھی نہیں کرسکتا!
7: اہل تشیع اور اہل حدیث کا مسئلہ تین طلاق پر مؤقف
اس پر تبصرہ پڑھیں
اہل سنت و اصلی حنفیوں کا مسئلہ تین طلاق پر مؤقف
8: اہل تشیع کا مؤقف خلافت و امامت کے حوالہ سے
اس پر تبصرہ پڑھیں۔
الزامی جواب تاکہ شیعہ سنی لڑنا بھڑنا بالکل چھوڑ دیں

www.zarbehaq.com
www.zarbehaq.tv
Youtube Channel: Zarbehaq tv

اللہ کی یاد سے اطمیان قلب کا حصول: پروفیسر احمد رفیق اختر
ذکر کے وظیفے سے اطمینان نہیں ملتا بلکہ قرآن مراد ہے۔عتیق گیلانی

”اللہ کی یاد سے اطمیان قلب کا حصول: پروفیسر احمد رفیق اختر ”
اور اس پر تبصرہ
”عمران خان کو حکومت دیدو تو اطمینان ہوگا اورخوف وحزن ختم ہوگا ”
”ذکر کے وظیفے سے اطمینان نہیں ملتا بلکہ قرآن مراد ہے۔”

زندگی کے بیشمار مسائل میںتنگی و عسرت غم کا شکار ہیں ہم۔ آپ کو اطمینان چاہیے بھی۔ خدا بتابھی رہا ہے کہ اس طرح اطمینان ملے گا۔ اب یہ ذکر و اذکار جو ہیں کبھی ان میں دل لگتا ہے کبھی نہیں لگتا۔ یاد واحد ایسی چیز ہے جو جبراً نہیں بلکہ محبت سے کی جاتی ہے۔ جو زیادہ یاد آئے گا اسی سے زیادہ محبت ہوگی۔ انس سے رفاقت سے محبت سے مجھے بھی ایسے ہی یاد کرو جیسے آباو اجداد کو چاہتے ہو۔ پروردگار نے فرمایا کہ میں اپنے اولیاء کو ایک انعام دیتا ہوں۔ الا ان اولیاء اللہ لا خوف علیہم ولا ھم یحزنون۔کہ بلا شبہ سن لو کہ میرے دوستوں پر خوف و حزن نہیں ہوتا۔ خوف وحزن ماڈرن لائف میںEqualentہیںFearاورFrustrationکیساتھ کہ میرے دوستوں کوFearsنہیں ہوں گے۔Frustrationنہیں ہوں گے۔ خوف نہیں ہوں گے غم نہیں ہوں گے۔اللہ سے پوچھا جاتا ہے کہ اے پروردگار عالم خوف و حزن کیفیت قلب ہے تو کیفیت قلب کا اطمینان کس طرح ہے ؟ فرمایا الا بذکر اللہ تطمئن القلوب کہ سن لو میرے ذکر کے بغیر اطمینان قلب نہیں ہوگا۔ توحضرات محترم! اصول یہ ہوا کہ اللہ اپنے بندوں کو خوف و حزن سے بے نیاز کرتا ہے ۔ خوف و غم سے بے نیازی کیفیت قلب ہے۔ کیفیت قلب بغیر یاد خدا کے اطمینان آہی نہیں سکتا۔ اب آپ کو اطمینان چاہئے بھی ۔ تمام معاشرے کو چاہیے خوف و حزن سے بے نیازی ۔ ہم سب
fearfull, We are all frustated
زندگی کے بیشمار مسائل میںتنگی و عسرت غم کا شکار ہیں ہم اور ہمیں امن چاہیے بھی اطمینان قلب چاہیے بھی اور ہم اسے ڈھونڈ بھی رہے ہیں مگر ذکر الٰہی سے گریزاں ہیں۔ خدا کی یاد سے گریزاں ہیں اور خدا کہتا ہے کہ الا بذکر اللہ تطمئن القلوب کہ سن لو خبردار ! میری یاد کے بغیر تمہیں اطمینان قلب نصیب نہ ہوگا۔ (پروفیسر احمد رفیق اخترکا بیان سوشل میڈیا پر)

*****************************************
”عمران خان کو حکومت دیدو تو اطمینان ہوگا اورخوف وحزن ختم ہوگا ”
”ذکر کے وظیفے سے اطمینان نہیں ملتا بلکہ قرآن مراد ہے۔”
*****************************************
پروفیسر احمد رفیق اختر سے جنرل اشفاق پرویز کیانی ، فوجی و سول بیورو کریٹ اور صحافی استفادہ کرتے ہیں۔ معیشت سودی قرضوں پر ہو ، ظلم و جبر سے طاقتور طبقہ کمزور کو دبوچ رہا ہو اور غیر ملکی حملوں کیلئے مقتدر طبقہ سہولت کار ہو۔ سفیر ملا سلام ضعیف کو ننگا کرکے اور ڈاکٹر عافیہ صدیقی امریکہ کو حوالہ کریں تو کیا ذکر کے وظائف سے اطمینان ہوگا؟۔ قوم محنت مزدوری ، تجارت و نوکری کرکے بھی ننگی، بھوکی، افلاس و احساس کمتری کا شکار ہو۔ اشرافیہ سُودی قرضہ پر بیرون ملک تعلیم اور نوکری کا دھندہ کریں تو کیا اشرافیہ کو اللہ کے ذکر سے اطمینان ملے گا اور خوف و حزن سے نجات پاسکے گا؟۔عمران خان کو گھڑی پر سزادی باقی کو گاڑیاں معاف ہیں؟۔ عمران خان کا راستہ نہ روکو، بے اطمینانی اور خوف وحزن ختم ہوگا۔
آرمی چیف حافظ سید عاصم منیر یا کسی جرنیل کو ولی بنادو ، یا خود وزیرستان کی بدامنی میں بے خوفی کی زندگی گزار کر دکھاؤ۔ منظور پشتین جھوٹ بکتا ہے کہ وہ نہیں ڈرتا۔ ذبح کرنے والے طالب کے سامنے چوں بھی نہیں کرسکتاہے۔
سورہ الرعد کی آیت میں اللہ کے ذکر سے اطمینان ملتاہے تو ذکر سے قرآن مراد ہے۔ جس دن پاکستان اور وزیرستان میں قرآن کا نفاذ ہوگا تو مؤمنوں کو اطمینان ملے گا۔ پروفیسر کے مرید کفار کی طرح چمتکار کے انتظار میں رہتے ہیں۔
ویقول الذین کفروالولا انزل علیہ آےة من ربہ قل ان اللہ یضل من یشاء ویھدی الیہ من انابOالذین امنواوتطمئن قلوبھم بذکر اللہ الا بذکراللہ تطمئن القلوبOآیت:27،28
ترجمہ ” اور کافر کہتے ہیں کہ کوئی چمتکار اترتا نبی پر اپنے رب کی طرف سے ۔ کہہ دیں کہ بیشک اللہ جس کو چاہے گمراہ کرے اور ہدایت دے جو اس کی طرف جھکے۔ جو لوگ ایمان لائے اور انکا دل اللہ کے ذکر(قرآن) سے مطمئن ہے۔ خبردار ! اللہ کے ذکر (قرآن ہی) سے دلوں کو اطمینان ملتا ہے” ۔سورہ الرعد
چمتکارکا طالب گمراہ اور جو قرآن کی طرف جھکے مہدی ہے۔ سورۂ کے شروع سے آخر تک اللہ کے نازل کردہ کا ذکر ہے۔ جہاں اللہ جواب دیتاہے بندہ بھی جواب دہ۔ مستجاب الدعوات لہ دعوة الحق” اس کیلئے پکار حق ہے” ۔مندر ، بھکشو عبادتگاہ ، یہودی خانقاہ اور نصاریٰ گرجا میں کثرت سے اللہ کا نام یاد کیا جاتا ہے۔لولا دفع اللہ الناس بعضھم ببعض لوھدمت صوامع وبیع و صلوٰت ومسٰجد یذ کر فیھا اسم اللہ کثیرًا ”اگر اللہ بعض لوگوں کو بعض کے ذریعے دفع نہ فرماتا تو ڈھا دی جاتیں خانقاہیں، گرجا، کلیسااور مسجدیں جن میں اللہ کا بکثرت نام لیا جاتا ہے۔ (سورہ حج آیت40) ۔
المرٰ تلک اٰیات الکتاب و الذی انزل الیک من ربک الحق ولٰکن اکثر الناس لایؤمنونO( الرعد: آیت :1)ترجمہ :”ال م ر : یہ کتاب کی آیتیں ہیں اور جو کچھ تجھ پرتیرے رب کی طرف سے اترا وہ حق ہے لیکن اکثر لوگ ایمان نہیں لاتے ”۔لہ دعوة الحق والذین یدعون من دونہ لایستجیبون لھم بشی ئٍ الا کباسط کفیہ الی الماء لیبلغ فاہ وماھو ببالغہ ومادعآء الکافرین الا فی ضلالO(آیت:14سورۂ رعد) ۔ترجمہ: ”اور اسی کیلئے حق کی پکار ہے اورجو اس کے سوا جن لوگوں کوپکارتے ہیں تو وہ کسی چیز کا جواب نہیں دیتے۔ مگر جیسے کوئی اپنے دونوں ہاتھ پھیلائے پانی کی طرف تاکہ اس کے منہ تک پہنچ جائے حالانکہ وہ اس کے منہ تک نہیں پہنچتا اور کافروں کی پکار نہیں ہے مگر محض گمراہی میں ”۔
لوگ سمجھتے ہیں کہ بت اور مزار والے پکارکا جواب نہیں دیتے۔ تو اللہ بھی جواب نہیںدیتا ؟۔ بس فرق یہ ہے کہ کوئی مندر میں رام رام کرتا ہے، کوئی عیسیٰ یسوع مسیح کو پکارتا ہے ، کوئی عبدالقادر جیلانی غوث اعظم کو پکارتا ہے، کوئی مشکل کشا علی کو پکارتا ہے اور کوئی اللہ کو پکارتا ہے لیکن جواب تو کوئی بھی نہیں دیتا ؟۔ اقبال نے خود شکوہ ، جواب شکوہ لکھ دیا تو یہ اور بات ہے۔ حق یہ ہے کہ اللہ کو پکارا جائے تو قرآن جواب دیتا ہے اور ہر مسئلے کا حل بتاتا ہے اور وہی نفع بخش ہے۔ رام کو پکارنے والے کا منہ پانی تک نہیں پہنچتا،تو اللہ کو پکارنے والوں کا منہ پانی تک نہیں پہنچتا ہے؟۔ اللہ کو پکارا جائے تو وہ قرآن کے ذریعے جواب دیتا ہے۔ کافر سمجھتا تھا کہ نبی ۖ اور قرآن کافی نہیں!۔ معجزہ چمتکار لائیں لیکن مؤمنوں کے لئے قرآن اطمینان کا باعث ہے۔ حضرت ابراہیم کو محض اللہ کے ذکر سے اطمینان نہیں ملا ، پرندوں کو چار ٹکڑے کرکے زندہ دیکھ لیا تو اطمینان حاصل ہوا۔ دیوبندی ، بریلوی، اہلحدیث اور شیعہ میں تقسیم ہوکر مرچکے ۔ قرآن زندہ کرے تو مسلمان کو اطمینان ملے گا۔ ذکر صبح گاہی کی مستی سے شیطان فائدہ اٹھاتا ہے۔
مرید چمتکار کے چکر اور پیر سرمایہ دار اور طاقتور مرید کے چکر میںخوشحال زندگی کو پیر اطمینان سمجھتاہے۔ حرام خور ظالم مریدوں کو پیر وظائف پر لگاتا ہے کہ دل کو اطمینان ملے گا اور قرآنی آیات سے استدلال پیش کرتا ہے کہ اللہ کے ذکر سے دلوں کو اطمینان ملتا ہے اور اولیاء اللہ پر خوف اور حزن نہیں ہے۔ پروفیسر رفیق اختر فوجی مرید کو قرآن نافذ کرنے کی دعوت نہیں دیتا۔ اور نہ معاشرے کی اصلاح کیلئے قرآن کے قانونی نکات بیان کرتا ہے لیکن سمجھتا ہے کہ وظائف سے ظلم وحرام ہضم ہوجائے گا؟۔ ضعف الطالب والمطلوب ”مرید اور پیر دونوں ہی کمزور ہیں”۔یہ خودکو اور عوام کوبھی تباہی کی طرف لے جاتے ہیں۔
ان الذین قالوا ربنااللہ ثم استقاموا تتنزل علیہم الملائکة الا تخافوا ولاتخزنوا وابشروا بالجنة التی توعدون ” بیشک جن لوگوں نے کہا کہ اللہ ہمارا رب ہے پھر استقامت اختیار کی تو ان پر فرشتے نازل ہوتے ہیں کہ خوف مت کھاؤاور حزن مت کھاؤ اوراس جنت کی خوشخبری پر خوش ہوجاؤ جس کا تم لوگوں سے وعدہ ہے”۔ جب شیطان خوف کے وسوسے ڈالتا ہے جن کا تعلق خناس جنات اورانسانوں سے ہوتا ہے کہ انجام خطرناک ہوگا تو فرشتے بھی اترکر حوصلہ افزائی کرتے ہیں کہ خوف اور حزن مت کرو۔ جیت گئے تو جیت گئے اور ہارے بھی توبازی مات نہیں ۔ دنیا نہیں تو جنت مل جائے گی۔
اللہ کے احکام کو دنیا میں معاشرے پر نافذ کرنے والے ہی اولیاء اللہ ہیں۔ اس ولایت کا فریضہ پورا کرنے پر ہی خوشخبری ہے کہ الا ان اولیاء اللہ لاخوف علہیم ولا ھم یحزنوں ” خبردار! اللہ کے اولیاء پر کوئی خوف نہیں ہوگا اور نہ وہ غمگین ہوں گے”۔ اطمینان معاشرتی فرائض ادا کرنے پر ملے گا۔
سورۂ مائدہ میں تین طبقات کا ذکر ہے۔ اللہ کے حکم پر فیصلہ نہ کرنے والے علماء ومشائخ کو کافر قرار دیا گیا ہے اور حکمرانوں کو ظالم قرار دیا گیا ہے اور عوام کو فاسق قرار دیا گیا ہے۔ ان میں سے کوئی طبقہ بھی اولیاء اللہ کیسے بن سکتا ہے؟۔
مجھے معلوم ہے جنت کی حقیقت لیکن
دل کے بہلانے کو غالب یہ خیال اچھا ہے
ایک عورت کی شادی ہوتی ہے تو اگر وہ شوہر سے خلع چاہتی ہے لیکن مولوی اس کو حق نہیں دیتا ۔حالانکہ اللہ نے عورت کو خلع کا حق دیا ہے۔ مولوی کی ناجائز طرفداری کرنیوالا اپنا رب اللہ کو نہیں علماء ومشائخ کو بناتا ہے۔ جب شوہر اپنی بیوی سے دس بچے جنوانے کے بعد طلاق دیتا ہے تو عورت کو حقوق سے محروم کیا جاتا ہے ، بچے بھی چھین لئے جاتے ہیں جن کو9ماہ پیٹ میں گھمایا۔موت کے کنویں میں چھلانگ لگاکر جنا ۔ زچگی میں بھی رات دن بچوں کی خدمت کی تھی۔ جونہی رات کو بچہ رویا نیند سے اُٹھ کر پہلے چوما اور پھر سینے سے لگاکر دودھ پلایا ۔ پوٹی و پیشاب کو صاف کیا اور خود پیشاب کے گیلے بستر پر لیٹ گئی ۔ بچے کو سوکھی جگہ پر لوریاں دینے کے بعد سلادیا۔ پھر بھی کہتے ہیں کہ بچہ ماں کا نہیں ہے؟۔ کیا اس ماں کو وظائف سے اطمینان ملے گا یا پھرقرآن کے مطابق حقو ق سے؟۔
سورہ رعد میں جتنی تفصیلات دیکھ لی جائیں اتنا دماغ بھی کھلے گا۔ اصل موضوع اللہ کی ذات کے حوالہ سے قرآن کے احکام پر عمل کی ولایت ہے۔
فرمایا: ” کہہ دیجئے کہ کون آسمانوں اور زمین کا رب ہے؟۔ کہہ دو کہ اللہ !۔ کہہ دو کہ کیا تم نے اس کے علاوہ اولیاء پکڑ رکھے ہیں؟۔جو اپنی جانوں کے لئے بھی نفع اور نقصان کا اختیار نہیں رکھتے ہیں ۔ کہہ دو کہ کیا اندھا اور دیکھنے والا برابر ہو سکتا ہے؟۔یا اندھیرے اور نور برابر ہوسکتے ہیں؟۔ یا تم نے اللہ کے شریک بنارکھے ہیں۔ وہ بھی تخلیق کرتے ہیں اللہ کی تخلیق کی طرح۔پس ان پر مشابہت ہوگئی ۔ کہو کہ اللہ ہر چیز کا خالق ہے اور وہ اکیلا قہار ہے ۔اس نے آسمان سے پانی برسایا اور اس سے اپنی مقدار میں نالے بہنے لگے پھر سیلاب پھولا ہوا جھاگ اوپر لایا اور جس چیز کو آگ میں زیور یا کسی اور اسباب بنانے کیلئے پگھلاتے ہیں اس پر اسی طرح کا جھاگ ہوتا ہے، اس طرح اللہ حق اور باطل کی مثال دیتا ہے۔ پھر جو جاگ ہے تو خشک ہوکر جاتا رہتا ہے اور جو لوگوں کیلئے نفع بخش ہے تو وہ زمین میں اپنا ٹھکانہ بنالیتا ہے۔ اسی طرح اللہ مثالیں دیتا ہے۔ جنہوں نے اپنے رب کیلئے جواب دیا تو ان کے لئے اچھائی ہے اور جنہوں نے اس کو جواب نہیں دیا ۔ اگر ان کے پاس جو کچھ سب زمین میں ہے اور اتنا ہی اور بھی ہو۔اور اس کو فدیہ بھی کردیں تو ان کے لئے حساب برا ہے اور ان کا ٹھکانہ جہنم ہے اور وہ ٹھکانہ برا ہے۔ بھلا جو شخص جانتا ہے کہ بیشک جو تیری طرف تیرے رب کی طرف سے اترا ،حق ہے کیا وہ اندھے کی طرح ہوسکتا ہے؟۔ بیشک وہی نصیحت حاصل کرتے ہیں جو عقل والے ہیں۔( سورہ الرعدآیت:16،17،18،19)
اگرخانقاہوں ، گرجا گھروں، مندروں اور مسلمان مکاتب فکر ، فرقوں اور عقائد رکھنے والوں کا طریقہ کار بھی ایک ہو اور ان میں سے قرآن کے احکام کی طرف ٍ رجوع نہ کرتا ہو تو ان میں اللہ کو جواب دینے اور اللہ کا جواب دینے میں کوئی فرق نہیں ہوگا۔ قرآن میں اللہ نے قرآن کو بھی ”الذکر” قراردیا ہے اور قرآن تذکیر ہے۔ اللہ سے پوچھنے اور اللہ کے حکم کا جواب دینے کی بات ہے۔
مجھے جامعہ بنوری ٹاؤن کراچی اور دیگر تمام مدارس سے محبت اسلئے ہے کہ اللہ کے احکام مدارس اور علماء کرام ومفتیان عظام سے سیکھنے کا موقع مل گیا ہے۔ ہمارے مرشد حاجی محمد عثمان سے بھی محبت اسلئے ہے کہ صبح وشام وہاں ذکر کی محفل سے قرآنی احکام کی عزیمت پر عمل کرنے کی ہمت مل گئی ۔ مدارس اور خانقاہوں کی بے توقیری کا سوال ہی پیدا نہیں ہوتا ہے لیکن جب تک اللہ کے احکام کو سمجھ کر معاشرہ اس پر عمل نہیں کرے گا تو خانقاہیں اور مدارس مسائل کا حل نہیں ہیں۔
مغرب کی ترقی کا راز اپنے مذاہب کو پھینک کر سیکولر ازم کا راستہ ہے اور رسول اللہ ۖ نے فرمایا :” اہل غرب ہمیشہ حق پر رہیں گے” ۔(صحیح مسلم)
مغرب نے جمہوری نظام کے ذریعے عورت اور مرد کویکساں حقوق دئیے۔ شوہر کو طلاق کا حق اور بیوی کو بھی طلاق کا حق ہے۔ دونوں کی جائیداد برابر برابر تقسیم ہوتی ہے۔ بیوی ارب پتی اور شوہر لکھ پتی یا شوہر ارب پتی اور بیوی کنگال ہو تو طلاق میں دونوں کا مال برابری کی بنیاد پر تقسیم کرنے کا قانون ہے۔ نکاح کیلئے شناختی کارڈ کی عمر تک پہنچنا ضروری ہے تاکہ دونوں کے نام پر جائیداد ہو۔ بالغ لڑکی کو مکمل اختیار حاصل ہے۔ جب مالدار مرد یا عورت کو کسی غریب جوڑی دار پر اعتماد نہیں ہوتا ہے تو وہ شادی کی جگہ دوستی کو ترجیح دیتے ہیں۔ گرل یا بوائے فرینڈز کا تصور نکاح کے سخت قانون کی وجہ سے پروان چڑھ گیا ہے۔
اسلام میں نکاح ، خلع اور طلاق کا قانون فطرت کے مطابق تھا لیکن فقہاء نے اس کی شکل بگاڑ دی ،جیسے یہوونصاریٰ نے بگاڑ دی تھی۔قرآن میں نکاح پرعورت کیلئے مرد کی وسعت کے مطابق حق مہر ہے۔ ہم نے قرآن پر تدبر کرکے اس کو اپنے معاشرے میں رائج نہیں کیا ۔ قرآن میں عورت کو خلع کا حق ہے اور خلع میں شوہرکی دی ہوئی اشیاء کو لے جانے کا حق ہے ۔ کپڑے، زیور، گاڑی ، برتن، نقدی ، بینک بیلنس، موبائل اور ہر وہ چیز جو منتقل کی جاسکتی ہو لیکن غیر منقولہ جائیدادگھر، دکان، فیکٹری،باغ ، پلاٹ اور زمین سے دستبردار ہونا پڑے گا۔
مرد کو قرآن نے طلاق کااختیار دیا لیکن بیوی کو دی ہوئی منقولہ وغیر منقولہ چیزوں سے شوہر محروم نہیں کرسکتا ۔ چاہے خزانے دئیے ہوں۔ خلع و طلاق اور عورت کے حقوق کی سورہ النساء کی آیات19،20اور21میں وضاحت ہے۔
ارب پتی استطاعت کے مطابق ایک ارب روپے حق مہر کا پابند ہے۔ اگر ہاتھ لگانے سے پہلے طلاق دی تو حق مہر کا نصف50کروڑاس کو دینا پڑے گا۔
اللہ نے فرمایا:”اور اگر تم عورتوں کو انہیں چھونے سے پہلے طلاق دیدو،اور تم نے حق مہر مقرر کیا ہو تو اس کا آدھا ہے جو تم نے مقرر کیا ہے۔مگر یہ کہ عورتیں کچھ معاف کریں یا وہ معاف کرے جسکے ہاتھ میں نکاح کا گرہ ہے۔اے مردو! تمہارا معاف کرنا تقویٰ کے زیاہ قریب ہے۔اور آپس میں ایک دوسرے پر فضل (احسان) کو مت بھولو، بیشک اللہ تمہارا کام دیکھ رہاہے ۔ (سورة البقرہ:237)
قرآن پس منظر واضح کررہاہے کہ یہ خلع نہیں مرد طلاق دے رہاہے تو جسکے ہاتھ میں طلاق کا گرہ ہے اس کو اپنے حق سے زیادہ دینا مناسب ہے۔ فقہاء نے یہ بات پکڑ کر شریعت بنادی کہ ”عورت کو خلع کا حق نہیں ”۔ حالانکہ قرآن مالی حق کو واضح کر رہاہے ۔اس سے یہ مراد لینا کہ طلاق کا حق صرف مرد کوہے جہالت اور قرآن کی معنوی تحریف ہے۔ بیدہ عقدة نکاحسے زیادہ نکاح کی نسبت اللہ نے عورت کی طرف کی ہے کہ واخذن منکم میثاقًا غلیظًا ”اور ان عورتوں نے تم سے پکا عہد لیا ”۔ تو کیا اس سے عورت کا اختیار ثابت ہوگا؟ ۔ اس میں بھی اللہ نے مرد کو غیرت دلائی ہے کہ عورت کی اتنی بڑی قربانی ہے تواس پر فحاشی کا جھوٹا الزام لگاکر اپنے حق سے محروم کرنا بہت بڑی بے غیرتی ہے۔
عورت کے حقوق پر قرآنی معاشرہ قائم ہوتاتو بہت اطمینا ن حاصل ہوتا۔
ایک آدمی چار لاکھ کا جوتا پہنتا ہے لیکن کسی عورت سے نکاح کرتا ہے تو اس کا حق مہر50ہزار روپے سے زیادہ نہیں لکھواتا اسلئے کہ یہی رسم ورواج ہے۔ ایک شخص کی جان لی جائے تو اس کا قصاص قاتلوں کو قتل کرنا ہے۔ اگر دیت رکھی جائے تو ایک شخص کی دیت100اونٹ اور عورت کی دیت50اونٹ ہے۔ شوہر قتل کیا جائے تو اس کی بیوی کو100اونٹ ملیں گے اور بیوی قتل کی جائے تو اس کے شوہر کو50اونٹ ملیں گے۔ اگر قرآن وسنت اور اسلام کے قانون پر عمل کیا جاتا تو نسلوں کو بھی لوگ وصیت کرتے کہ ناحق کسی کی جان مت لو۔ جب وہ اسلامی قانون کے تحت قتل کیا جاتا یا پھر دیت دیتا تو بہت پکی توبہ کرلیتا۔
فوج اور پولیس بھی مارتی ہے اور طالبان ، دہشت گرد، بدمعاش، غنڈے، جاگیردار اور پیر بھی مارتے ہیں۔ عوام بھی مارتی ہے۔ سب سے زیادہ اختیارات فوج کے پاس ہیں اسلئے ان کو نشانہ بنایا جاتا ہے اور ان کا مقابلہ طالبان کرتے ہیںاسلئے ان کو خوارج کہا جاتا ہے۔ سلیم صافی نے جماعت اسلامی کے امیر سید منور حسن سے پوچھا تھا کہ جب افغانستان کی حکومت امریکہ کی حمایت کرتی ہے اور وہاں کے حکمرانوں کے خلاف جہاد ہے تو کیا ہماری فوج امریکہ کی حمایت کے باوجود شہید ہوتی ہے؟ سید منور حسن نے جواب دیا کہ یہی سوال تو مجھے آپ سے پوچھنا ہے ۔ظاہر ہے کہ امریکی شہید نہیں تو ہماری فوج بھی شہید نہیں ہے۔
سلیم صافی نے حکیم اللہ محسود کی وہ تقریر نشر کی تھی جو اس نے قاضی حسین احمد کے خلاف کی تھی ۔پھر جماعت اسلامی نے سوشل میڈیا پرسلیم صافی کو برا بھلا کہا تھا اور سید منور حسن سے امارت کی خدمات واپس لے کر سراج الحق کو امیر بنادیا۔
عورت کے حق مہر کے بارے میں ہے کہ جس امام کے نزدیک جتنی مقدار میں چور کا ہاتھ کاٹا جاتا ہے اتنی مقدارکم ازکم عورت کے حق مہر کی ہے۔
مولانا سلیم اللہ خان نے لکھاکہ” امام بخاری اس باب میں”مسئلہ اقل حق” کو بیان کرنا چاہتے ہیں۔ اس بات پر توسب کا اتفاق ہے کہ مہر شرائط نکاح میں داخل ہے البتہ اس میں اختلاف ہے کہ اقل مہر کیا ہونا چاہیے؟۔
1:ظاہریہ اور علامہ ابن حزم فرماتے ہیں کہ ہرشئی حق مہر بن سکتی ہے۔ یہاں تک کہ ایک جو کا دانہ بھی مہر بن سکتا ہے۔ (المحلی لابن حزم)
2:ابن شبرمہ فرماتے ہیں کہ اقل مہر پانچ درہم ہے۔( فتح الباری)
3:مالکیہ اقل مہر ربع دینار ہے۔1/4یعنی دینار کا ایک چوتھا ئی حصہ۔یہی سرقہ میں ان کے نزدیک قطع ید کا نصاب ہے۔ربع دینار میں چور کا ایک عضوء کاٹا جاتا ہے اور عورت کی ایک عضو ء کا بھی اس میں شوہر مالک بن جاتا ہے۔
4:امام شافعی کے نزدیک جو چیز بھی قیمت رکھتی ہے ۔وہ مہر بن سکتی ہے۔ امام بخاری کا رحجان بھی اسی طرف معلوم ہوتاہے۔
5:حضرات حنفیہ کے نزدیک اقل مہر دس درہم ہے اور یہ حد سرقہ بھی ہے۔
کشف الباری صفحہ262۔ کتاب فضائل قرآن ، کتاب النکاح ، طلاق
اس سے یہ اندازہ لگایا جاسکتا ہے کہ جہاں قرآن میں ہاتھ لگانے سے پہلے کی طلاق میں امیر وغریب پر اس کی وسعت کے مطابق نصف حق مہر واضح ہے وہاں انہوں نے کس قسم کے لطیفوں کو مذہب بناڈالا ہے۔ چور کاہاتھ کم مقدار میں کٹ سکتا ہے لیکن ایک ہاتھ کی دیت50اونٹ بھی تو ہے۔ عورت کے عضوء کی ملکیت کوچور کے ہاتھ سے تشبیہ دی گئی ہے؟۔ یہ عورت کی سخت تذلیل ہے۔
ماں کے قدموں کے نیچے جنت ہے ۔ جب معاشرے میں عورت کو اپنے حقوق نہیں ملتے اور نہ قرآن سے سیکھا اور سکھایا جاتا ہے تو اس کے قدموں کے نیچے رہنے والی دنیا کو کیسے اطمینان ہوگا؟ اور خوف وحزن سے نجأت ملے گی؟۔
*****************************************

ماہ ستمبر2023کے اخبار میں مندرجہ ذیل عنوان کے تحت آرٹیکل ضرور پڑھیں:
1:14اگست کو مزارِ قائد کراچی سے اغوا ہونے والی رکشہ ڈرائیور کی بچی تاحال لاپتہ
زیادتی پھر بچی قتل، افغانی گرفتار ،دوسراملزم بچی کا چچازاد:پشاورپولیس تجھے سلام
2: اللہ کی یاد سے اطمینان قلب کا حصول: پروفیسر احمد رفیق اختر
اور اس پر تبصرہ
عمران خان کو حکومت دیدو تو اطمینان ہوگا اورخوف وحزن ختم ہوگا
ذکر کے وظیفے سے اطمینان نہیں ملتا بلکہ قرآن مراد ہے۔
3: ایک ڈالر کے بدلے میں14ڈالر جاتے ہیں: ڈاکٹر لال خان
اور اس پر تبصرہ پڑھیں۔
بھارت، افغانستان اور ایران کو ٹیکس فری کردو: سید عتیق الرحمن گیلانی
4: مسلم سائنسدان جنہوں نے اپنی ایجادات سے دنیا کو بدلا۔
خلیفہ ہارون الرشید نے فرانس کے بادشاہ شارلمان کو ایک گھڑی تحفہ میں بھیج دی
5: پاکستان76سالوں میں کہاں سے گزر گیا؟
اور اس پر تبصرہ پڑھیں
نبی ۖ کے بعد76سالوں میں کیا کچھ ہوا؟
6: پہلے کبھی کانیگرم جنوبی وزیرستان میں ماتمی جلوس نکلتا تھا،آج اسکا کوئی تصور بھی نہیں کرسکتا!
7: اہل تشیع اور اہل حدیث کا مسئلہ تین طلاق پر مؤقف
اس پر تبصرہ پڑھیں
اہل سنت و اصلی حنفیوں کا مسئلہ تین طلاق پر مؤقف
8: اہل تشیع کا مؤقف خلافت و امامت کے حوالہ سے
اس پر تبصرہ پڑھیں۔
الزامی جواب تاکہ شیعہ سنی لڑنا بھڑنا بالکل چھوڑ دیں

www.zarbehaq.com
www.zarbehaq.tv
Youtube Channel: Zarbehaq tv

14اگست کو مزارِ قائد کراچی سے اغوا ہونے والی رکشہ ڈرائیور کی بچی تاحال لاپتہ
زیادتی پھر بچی قتل، افغانی گرفتار ،دوسراملزم بچی کا چچازاد:پشاورپولیس تجھے سلام

پورے پاکستان اور دنیا میں انسانیت سوز مظالم کا خاتمہ کیسے ہوسکتا ہے؟۔ بچے ، بچیوں اور خواتین کے اغواء ، زیادتی کا نشانہ بننے اور قتل کا سلسلہ جاری ہے لیکن کب تک؟

پورے ملک میں روز روز کہیں نہ کہیں واقعات ہورہے ہیں لیکن ہمارا معاشرہ بالکل بے حس اور مردہ بن چکا ہے۔ اس کا تدارک کرنے کیلئے قرآن کی طرف رجوع کرنا ضروری ہے۔
***********************************************

ماہ ستمبر2023کے اخبار میں مندرجہ ذیل عنوان کے تحت آرٹیکل ضرور پڑھیں:
1:14اگست کو مزارِ قائد کراچی سے اغوا ہونے والی رکشہ ڈرائیور کی بچی تاحال لاپتہ
زیادتی پھر بچی قتل، افغانی گرفتار ،دوسراملزم بچی کا چچازاد:پشاورپولیس تجھے سلام
2: اللہ کی یاد سے اطمینان قلب کا حصول: پروفیسر احمد رفیق اختر
اور اس پر تبصرہ
عمران خان کو حکومت دیدو تو اطمینان ہوگا اورخوف وحزن ختم ہوگا
ذکر کے وظیفے سے اطمینان نہیں ملتا بلکہ قرآن مراد ہے۔
3: ایک ڈالر کے بدلے میں14ڈالر جاتے ہیں: ڈاکٹر لال خان
اور اس پر تبصرہ پڑھیں۔
بھارت، افغانستان اور ایران کو ٹیکس فری کردو: سید عتیق الرحمن گیلانی
4: مسلم سائنسدان جنہوں نے اپنی ایجادات سے دنیا کو بدلا۔
خلیفہ ہارون الرشید نے فرانس کے بادشاہ شارلمان کو ایک گھڑی تحفہ میں بھیج دی
5: پاکستان76سالوں میں کہاں سے گزر گیا؟
اور اس پر تبصرہ پڑھیں
نبی ۖ کے بعد76سالوں میں کیا کچھ ہوا؟
6: پہلے کبھی کانیگرم جنوبی وزیرستان میں ماتمی جلوس نکلتا تھا،آج اسکا کوئی تصور بھی نہیں کرسکتا!
7: اہل تشیع اور اہل حدیث کا مسئلہ تین طلاق پر مؤقف
اس پر تبصرہ پڑھیں
اہل سنت و اصلی حنفیوں کا مسئلہ تین طلاق پر مؤقف
8: اہل تشیع کا مؤقف خلافت و امامت کے حوالہ سے
اس پر تبصرہ پڑھیں۔
الزامی جواب تاکہ شیعہ سنی لڑنا بھڑنا بالکل چھوڑ دیں

www.zarbehaq.com
www.zarbehaq.tv
Youtube Channel: Zarbehaq tv

فرقہ وارانہ شدت کو کم کرنے کی ضرورت ہے جس سے دہشتگردی پر اثر پڑے، سیاسی شدت بھی ختم کی جائے۔

علماء اور جدید مذہبی طبقے کے علم وفہم اور عمل وکردار میں بڑا فرق ہے۔ انجینئر مرزا نے رٹ لگائی ہے کہ نبی ۖ نے فرمایا: ”عمار باغی گروہ کے ہاتھوں شہید ہوگا، عمار جنت کی طرف بلارہا ہوگا اورباغی گروہ جہنم کی طرف بلا رہا ہوگا”۔
بلاشبہ دو گروہ لڑیں گے تو ایک ٹھیک اور دوسرا غلطی پر ہوگا۔ پاکستان بن رہا تھا توکچھ پاکستان اور مسلم لیگ کے حامی اور کچھ مخالف تھے۔ مولانا ابوالکلام آزاد، جمعیت علماء ہند اور سید عطاء اللہ شاہ بخاری کی جماعت ”احرار الاسلام” پاکستان اورمسلم لیگ کے خلاف تھے۔ علامہ شبیراحمد عثمانی، مولانا اشرف علی تھانوی ، مولانا ظفر احمد عثمانی اور مفتی اعظم پاکستان مفتی محمد شفیع نے جمعیت علماء اسلام کی بنیاد رکھی اور پاکستان و مسلم لیگ کی حمایت شروع کی۔جماعت اسلامی نہ ادھر تھی اور نہ ادھر ۔ آزادی اور سیاسی تحریک بہت بڑی قربانیاں مانگتی ہے۔
مفتی اعظم ہند مفتی کفایت اللہ نے اپنے فتاویٰ کے نویں جلد میں لکھ دیا کہ انگریز نے جمعیت علماء ہند کو ختم کرنے کیلئے جمعیت علماء اسلام کی بنیاد رکھ دی ۔ آج مولانا فضل الرحمن کی جمعیت علماء اسلام کا تعلق مولانا احمد علی لاہوری ، مولانا غلام غوث ہزاروی ، مولانا مفتی محمود اور مولانا عبداللہ درخواستی سے ہے جو جمعیت علماء ہند کے نظریاتی ساتھی تھے۔ اصل جمعیت علماء اسلام مرکزی کے نام سے تھی جو مفتی محمد شفیع، مولانا احتشام الحق تھانوی کی جماعت تھی ختم ہو گئی اسلئے کہ انہوں نے1970میں مولانا غلام غوث ہزاروی،مولانا عبداللہ درخواستی ، مولانا عبیداللہ انور ، مولانا عبدالحق اکوڑہ خٹک اور مفتی محمود پر کفر کا فتویٰ لگادیا تھا۔
حضرت امداد اللہ مہاجر مکی کے مریدین وخلفاء میں مولانا محمدقاسم نانوتوی، مولانا رشیداحمد گنگوہی اور بہت بڑے بڑے علماء ومشائخ تھے۔ مولانا اشرف علی تھانوی شیخ الہند مولانا محمودحسن کے شاگردتھے اور شیخ الہند نے اپنے استاذ مولانا رشیداحمد گنگوہی سے بیعت کی تھی۔ مولانا اشرف علی تھانوی نے مولانا گنگوہی سے بیعت کی خواہش رکھی اور حاجی امداللہ مہاجر مکی سے سفارش کی درخواست کی تھی ۔حاجی امداداللہ مہاجر مکی نے فرمایا کہ ” میں تمہیں خود بیعت کرتا ہوں”۔ اگر حقائق کو دیکھا جائے تومولانا تھانوی کے استاذ کے اساتذہ بھی حاجی امداد اللہ سے بیعت تھے لیکن حکیم الامت اور مجدد ملت کا تمغہ اسلئے مولانا تھانوی کے سر پر سجا تھا کہ مہاجر مکی کے سلسلہ کے اصل جانشین آپ ہی تھے۔ تصوف وسلوک بھی دین کا شعبہ ہے۔شریعت و طریقت کا ٹکراؤ ہوتا ہے۔ مولانا رشیداحمد گنگوہینے حاجی امداد اللہ مہاجر مکی کے علم سے اختلاف کیا، تقویٰ حاصل کرنے کیلئے بیعت ہوئے تھے۔مولانا قاسم نانوتوی نے کہا کہ ”میں حاجی صاحب سے ان کے علم کی وجہ سے بیعت ہوا ہوں”۔ مولانا رشیداحمد گنگوہی کے شاگرد مولانا حسین علی تھے ، جن کی وجہ سے شیخ القرآن مولانا غلام اللہ خان اور مولانا طاہر پنج پیری نے توحید کا پیغام پھیلایا۔ اس نے اپنی تفسیرمیں لکھا ” میں نے دیکھا کہ رسول اللہ ۖ گر رہے ہیں اور میں ان کو سہارا دیکر تھام لیتا ہوں”۔”بلغة الحیران” ۔
مفتی منیر شاکر کو شاید علم نہ ہوکہ دوسروں پر تنقید کے نشتر چلانے والوں نے گھر میں کیا دال دلیہ پکایا؟۔ مفتی منیر شاکرنے کہا کہ اشرف علی تھانوی نے اپنی کتاب میں لکھاکہ شاہ عبدالرحیم نے ایک بزرگ کی قبر پر مراقبہ کیا تو بزرگ نے بتایا کہ تمہاری گھر والی کے حمل میں جو بچہ ہے وہ بڑی شان والا ہوگا۔ بیگم نے بتایا کہ جب تہجد کے وقت ہاتھ اُٹھائے تو میرے ہاتھوں میں بچے کے بھی دو ہاتھ تھے جس سے میں ڈر گئی۔ پھر شاہ عبدالرحیم کو یاد آیا کہ مراقبہ میں بزرگ نے بیوی کے حمل میں موجود بچے حضرت شاہ ولی اللہ کے بارے میں خوشخبری دی تھی اور ان کا نام بھی تجویز کیا تھا۔ یہ وہ باتیں ہیں جو مردوں کو زندہ سمجھنے والوں نے عقل سے عاری عقیدت مندوں کے سامنے گھڑ رکھی ہیں۔
حضرت خضر نے بچے کو قتل کیا تو تصوف و طریقت کی کتابوں میں اتنا بڑا واقعہ نہیں۔ حضرت عیسیٰ جب مٹی کا پرندہ بناتے تو پھونک سے روح آجاتی تھی۔ حضرت ابراہیم نے چار پرندوں کو ٹکڑے ٹکڑے کیا پھر زندہ ہوگئے۔ اللہ نے آگ کو ٹھنڈی ہونے کا حکم دیا تھا۔ بیت المقدس میں رسول اللہ ۖ نے تمام انبیاء کی امامت فرمائی اور قبر میں سوال پوچھا جائیگا کہ ” اس شخص کے بارے میں تم کیا کہتے ہو؟”۔ عیسیٰ کا باپ کے بغیر آدم کی طرح پیدا ہونا قرآن میں ہے۔ بزرگوں کا انکار کفر و گمراہی نہیں مگر قرآن وسنت پر زد نہ پڑے۔ مولانا طاہر پنج پیری کراچی تشریف لائے تھے تو میں نے ان کی خدمت میں مولانا مسعود الدین عثمانی کی توحید خالص پیش کرنا چاہی مگر اس کے چیلے ناراض ہوگئے اور سوال نہیں کرنے دیا تھا۔ مولانا مسعود الدین عثمانی جامعہ بنوری ٹاؤن اور وفاق المدارس کے فاضل تھے۔ دورہ ٔ توحید ایسا ہو کہ اپنے پرائے کا لحاظ نہ ہو مگر قرآن و سنت کا خیال رکھا جائے ۔ معراج کا ذکر قرآن وسنت میں موجود ہے۔
کوئی سوال کرے کہ ہجرت کی رات براق کیوں نہیں آیا؟۔ اگر مظالم سے بچنے کیلئے معجزات کا سہاراہوتا تو پھر کمال اور آزمائش کی بات نہ ہوتی۔ معراج اور ہجرت جیسا کوئی واقعہ صوفی کا ہوتا تو سوالات اُٹھتے اور مذاق بھی اُڑایا جاتا۔ پشتو شاعر اور عالم دین رحمن بابا کاشعر ہے کہ ”جس کا ایک قدم عرش تک پہنچتا ہے میں نے درویش لوگوں کی رفتار کو دیکھا ہے”۔ مولانا اشرف علی تھانوی کے خلفاء نے یہ واقعہ بیان کیا کہ خواجہ نظام الدین سلطان الاولیائ قوالی کا اہتمام کرتے تھے اور اس وقت کے محتسب قاضی ضیاء الدین سنامی ان کی سخت مخالفت کرتے تھے۔ایک دن سپاہیوں کو لے کر گئے تو سلطان جی اپنے مریدوں کیساتھ ذکر میں مشغول تھے۔ خیمے کی طنابیں کاٹ ڈالیں تو خیمہ ہوا میں معلق ہوا ۔ قاضی نے کہا کہ اس سے متاثر مت ہونا۔ آئندہ آئیں گے اور اس بدعت سے روکیں گے۔ دوسری مرتبہ ذکر شروع ہونے سے پہلے سپاہیوں کیساتھ پہنچ گئے اور کہا کہ اس بدعت سے نہ رکوگے ؟۔ سلطان جی نے کہا کہ اگر نبی ۖ فرمادیں تو؟۔ قاضی رضا مندہوئے تو کیفیت طاری ہوگئی۔ دیکھا کہ نبی ۖ جلوہ افروز ہیں اور فرمایا کہ اس فقیر کو کیوں تنگ کررہے ہو؟۔ قاضی نے عرض کیا کہ یارسول اللہ ۖ مجھے اس کیفیت پر بھروسہ نہیں لیکن جو دین روایات کے ذریعے ہم تک پہنچاہے ،اس پر اعتماد ہے اورہم اس پر عمل کے پابند ہیں۔ جب کیفیت ختم ہوگئی تو سلطان جی نے کہا کہ اب کیا کہتے ہو؟۔ اب تو نبی ۖ نے تمہیں کیا فرمایا؟۔ قاضی نے کہا کہ روکوں گا، نبی ۖ کی خدمت میں نے کیا عرض کیا؟۔ سلطان جی نے قوال کو اشارہ کیا کہ شروع کرو۔ قوال نے شعر پڑھا تو سلطان جی وجد میں کھڑے ہوگئے، قاضی نے اس کو گریبان سے پکڑ کر بٹھادیا۔ دوسری بار وہ کھڑے ہوگئے پھر گریبان سے پکڑ کر بٹھادیا۔ تیسری بار کھڑے ہوگئے اور اس کے گریبان میں ہاتھ ڈالنا چاہا مگر دست بستہ کھڑے ہوگئے۔ محفل برخاست ہونے لگی تو لوگوں نے سمجھا تھا کہ قاضی بھی مرید بن کر جائیں گے۔ قاضی نے کہا کہ اچھا میں پھر آؤں گا اور تجھے اس بدعت سے روکوں گا۔ لوگوں نے کہا کہ ابھی تو آپ دست بستہ کھڑے تھے؟۔ قاضی نے کہا کہ جب پہلی بار اس کو وجد آیا تو اس کی روح پہلے آسمان تک پہنچی۔ وہاں تک میری رسائی تھی، پکڑ کر واپس لایا ۔ دوسری بار اس کی روح عرش تک پہنچی اور وہاں سے واپس لا یا۔ تیسری بار اس کی روح عرش کے اوپر گئی ، میں جانے لگا تو حاملانِ عرش نے کہا کہ تیری اوقات نہیں ، یہ سلطان جی کا مقام ہے۔ میں تجلیات عرش کے سامنے کھڑا تھا اس بدعتی کے سامنے تھوڑا کھڑا تھا۔ پھر قاضی بیمار ہوگئے ۔ سلطان جی عیادت کیلئے جانے لگے۔ لوگوں نے کہا یہ بر ا بھلا کہتا ہے ؟۔ سلطان جی نے کہا کہ یہ عالم ربانی ہے اس کا یہ منصب ہے کہ مجھے منع کرے۔ حاضری کی اجازت مانگی تو قاضی نے کہا کہ تجھے بدعت سے روکتا رہا۔ اب اپنا چہرہ مت دکھاؤ، ایسا نہ ہو کہ میری عاقبت خراب ہوجائے۔ سلطان جی نے کہا کہ میں اتنا گستاخ نہیں کہ بارگاہ سنت میں بدعت سے ملوث ہوکر آؤں۔ توبہ کرکے آیا ہوں۔ قاضی بڑا خوش ہوا، اپنی دستار دی کہ اس کو بچھاؤ، اس پر چل کر تشریف لائے۔ سلطان نے اپنے سرپر وہ دستار رکھی اور خدمت میں حاضر ہوئے تو قاضی صاحب نے کہا کہ ” آپ وہ لوگ ہو ،جو اپنی نظر کیمیا سے مٹی کو سونا بنادو۔ آپ میری تقدیر پر نظر کرم فرمائیں کہ بری تقدیر اچھی میں بدل جائے ۔ واقعہ پر دیوبندی اور بریلوی خوش ہوںگے لیکن اہل حدیث کہہ سکتے ہیں کہ ولی کا عرش پر چڑھ جانا گستاخی ہے ۔ رسول اللہ ۖ نے فرمایا کہ اللہ کہتا ہے کہ بندہ نوافل کے ذریعے میرا اتنا مقرب بن جاتا ہے کہ اس کی آنکھیں بن جاتا ہوں ، جس سے وہ دیکھتا ہے ، اس کی زبان بن جاتا ہوں جس سے وہ بولتا ہے، اس کے کان بن جاتا ہوں جس سے وہ سنتا ہے ، اس کے ہاتھ بن جاتا ہوں جس سے وہ پکڑتا ہے اور اس کے پیر بن جاتا ہوں جس سے وہ چلتا ہے۔ (حدیث قدسی) اس حدیث میں اللہ کا اپنے بندوں کے ہاتھ پیر بن جانا بڑی بات ہے۔ قرآن میں ملکہ سبا بلقیس کا تخت کیسے آنکھ پھیرنے کی دیر میں حاضر کیا گیا تھا؟۔
حقیقت یہ ہے کہ مولوی کی شریعت اور صوفی کی طریقت دونوں میں سب کچھ ہوسکتا ہے مگر ہدایت کامل سے دور ہیں۔مستی احوال اور مستی گفتار مسائل کا حل نہیں۔ اگر ملاکی کتابوں سے گمراہانہ معاملات نکالے جائیں تو قیصرو کسریٰ کی سپر طاقتوں کی طرح موجودہ دور میں بھی ہمارا ایک قدم نظام خلافت کے ذریعے سے امت مسلمہ اور دوسرا دنیا کی سپر طاقتوں کے حدود تک پہنچ جائے گا۔
امام ابوحنیفہ نے علم الکلام کی گمراہی سے توبہ کرکے فقہ کی طرف توجہ کی توپھر فقہاء نے امام ابوحنیفہ کے نام پر علم الکلام کی گمراہی فقہ میں داخل کردی۔ جب یہ عقیدہ پڑھانا شروع کیا کہ قرآن لکھے ہوئے شکل میں اللہ کی کتاب نہیں ہے تو پھر فتاویٰ قاضی خان، صاحب ہدایہ ، فتاویٰ شامی اور مفتی تقی عثمانی نے سورہ فاتحہ کو علاج کیلئے پیشاب سے لکھنا بھی جائز قرار دے دیا، اہل تصوف سے بڑھ کر اہل فقہ کی گمراہی قابل گرفت ہے۔ امام غزالی فقہ سے توبہ کرکے تصوف میں آئے تو المنقذ من ظلمات الی النور ” اندھیروں سے روشنی کی طرف نکالنے کے نام پر کتاب لکھ ڈالی”۔ پھر جس فقہ کے اندھیرے سے روشنی کا سفر کیا تھا جس سے مراد تصوف تھا تو اس تصوف میں فقہ کی گمراہیاں بھی ڈال دیں۔ یہ حقیقت تھی کہ شریعت الگ چیز ہے اور تصوف الگ ۔ جو حضرت موسیٰ اور حضرت خضر کے واقعہ سے ثابت ہے۔ ہمارے ہاں دونوں کو خلط ملط کرکے دونوں میں بڑی گمراہی کا سامان پیدا کیا گیا ہے اسلئے دونوں کی آپس میں بنتی بھی نہیں ہے اور جہاں بنتی ہے تو وہاں زیادہ خرابیاں ہوتی ہے۔ پیسہ ہتھیانے کا چکر بنتا ہے۔
جب قرآن وسنت پر واقعی اعتماد اور بھروسہ ہوگا تو مذہبی جماعتوں کیلئے بھی معاملات آسان ہوں گے۔ کن فیکون ہوگا۔ اس کیلئے اعلیٰ ایمان اور اخلاقیات کی ضرورت ہے۔ بے گناہ لوگوں کو خود کش سے اڑانا اسلام نہیں ۔ اختلاف تو حضرت ہارون اور حضرت موسیٰ کا بھی داڑھی اور سرکے بال پکڑنے تک پہنچاتھا نبی ۖ نے صحابہ سے فرمایا کہ ”میرے بعد کافر نہ بن جانا کہ ایک دوسرے کی گردنیں مارنے لگو”۔ مطلب یہ نہیں کہ خوارج کی طرح حضرت علی و حضرت عثمان پر کفر کافتویٰ لگائیں۔ مفتی تقی عثمانی نے حیلہ سے سود کو اسلامی جواز بخش دیا تو اکابر نے سخت مخالفت کی اور ان کا فتویٰ مدارس اور کتب خانوں میں ہے۔ حدیث میں ائمہ مساجد کو آسمان کے نیچے بدترین مخلوق کہا گیا لیکن اس کا مقصد اچھائی کی طرف لانا ہے۔ فتنہ کے وقت میں لڑنے سے بہتر نہ لڑنا ہے ۔ حضرت علی نے بھی خوارج سے کہا تھا کہ ”اگر تم نہیں لڑوگے تو میں بھی نہیں لڑتا ہوں”۔
حضرت عثمانجب شہید کئے گئے تو حسن و حسین نے دروازے پر پہرہ دیا اور محمد بن ابو بکر پیچھے سے دیوار پھلانگ کر داخل ہوا ۔ حضرت عثمان کو داڑھی سے پکڑا تو حضرت عثمان نے فرمایا کہ اگر تیرا باپ یہ دیکھ لیتا تو آپ پر خفا ہوتا۔ جس پر محمد بن ابو بکر نے چھوڑ دیا اور پھر دوسرے دو افراد نے شہید کردیا۔ حضرت علی سے حضرت عثمان کی بیگم حضرت نائلہ نے واقعہ بیان کیا کہ ان دو نامعلوم افراد کو نہیں جانتی۔ حضرت علی نے محمد بن ابوبکر سے پوچھا تو وہ بھی نہیں جانتے تھے۔
یہ شکر ہے کہ حضرت علی نے مولویوں کی طرح یہ نہیں کہا کہ عورت کی گواہی حدود میں معتبر نہیں۔ اسلئے اگر قاتلوں کا پتہ بھی چل جائے تو بدلے میں قتل نہیں کرسکتے۔ جب امیر معاویہ نے قاتلین عثمان کو حوالہ کرنے کا مطالبہ کیا تو خوارج کے سردار ذو الخویصرہ نے 20ہزار افراد کے لشکر کے ساتھ کہا کہ یہ سب قاتلین ہیں۔ جس پر حضرت امیر معاویہ نے مطالبہ ترک کردیا۔ اس وقت سے آج تک اُمت ایک اضطراب کا شکار ہے اور اس اضطراب سے نکلنے کیلئے قرآن کی طرف رجو ع کرنا بہت ضروری ہے۔ جس سے اُمت مسلمہ کے مسائل حل ہوں گے۔
سراج الحق عوامی جلسوں میں کہتا ہے کہ” سود کا ادنیٰ گناہ اپنی ماںکے ساتھ خانہ کعبہ میں36مرتبہ گناہ کے برابر ہے ”۔ اور یہ نہیں سمجھتا کہ سودکو حلال کرنے کی وعید اس سے بھی زیادہ ہونی چاہیے۔ سراج الحق مولانا فضل الرحمن کو ٹارگٹ کرتا ہے کہ شرعی عدالت نے سودی نظام کے خلاف فیصلہ دیا،حکومت نافذ نہیں کرتی ۔ انگریز کے خلاف جمعیت علماء ہند نے قربانیاں دیں ۔ جاہلوں نے ان پر قوم پرستی وکفر کا فتویٰ لگایا۔ مولانا ابوالکلام آزاد کی بیگم کی لاش کی بے حرمتی کی گئی کہ مسلمانوں کے قبرستان میں اس کو دفن نہ کیا جائے۔صحابہ کی حرمت پر قربانی دینے والے علماء کرام تھے لیکن جماعت اسلامی اپنے ایک رکن کو ایک قرار داد کی وجہ سے کریڈت دیتی ہے۔ قاضی حسین احمدصدر ملی یکجہتی کونسل تھے تو نمائندہ ماہنامہ ضرب حق امین اللہ نے سوال کیا کہ شیعہ کافر ہیں یا مسلمان؟ تو سخت ناراض ہوگئے۔ مولانا فضل الرحمن کی جماعت میں مولانا حق نواز جھنگوی شہید شامل تھے۔ سپاہ صحابہ بدمعاش بن گئی تو مولانا فضل الرحمن نے دہشت گرد قرار دیا ۔مولانا فضل الرحمن معتدل مزاج ہیں ۔عمران خان نے بھی مولانا فضل الرحمن صاحب کہنا شروع کردیا جو خوش آئند ہے۔ مولانا فضل الرحمن نے امریکی جہاد کو شروع سے پاکستان کیلئے سونے کی چڑیا قرار دیا اور پیسے نہیں کمائے مگر ریاست کو ضرورت پڑگئی تو مجاہدین کا سوتیلا باپ بن گیا۔ مجھ سے زیادہ علماء اور مولانا پر کسی نے تنقید نہیں کی مگر میں ان کو زندہ باد کہتا ہوں ۔ البتہ انقلاب کیلئے مولانا فضل الرحمن اور علماء خود کو تبدیل کریں تو دہشتگردی کی لہر ختم ہوگی۔
مفتی محمد شفیع نے اپنی تفسیر ”معارف القرآن” میں غلط تفسیر لکھ ڈالی ہے کہ مشرک کو قتل کرو اور زکوٰة نہ دینے اور نماز نہ پڑھنے پربھی قتل کا حکم ہے۔ دیوبندی بھی دو فرقوں میں تقسیم ہیں۔ جو سلفی کی طرف رحجان رکھتے ہیں وہ دوسروں کو مشرک سمجھتے ہیں۔ سوات میں طالبان نے بریلوی پیر کو شہید کرکے اس کی لاش بھی چوک پر لٹکادی تھی۔ سلفی گروپ داعش میں ہیں۔داعش عالمی خلافت چاہتا ہے اور طالبان مقامی سطح پر امارت اسلامیہ کے قائل ہیں۔
مفتی منیر شاکر نے کہا کہ میں محمد ۖ کو اسلئے مانتا ہوں کہ اللہ نے کہا ہے۔ میں عبد المطلب ، عبد اللہ اور آمنہ کو نہیں مانتا اسلئے کہ اللہ نے ماننے کیلئے نہیں کہا۔ جس کے جواب میں مفتی گوہر شاہ نے کہا کہ ”بات صحیح ہے لیکن اس سے نبی ۖ کی توہین ہوتی ہے۔ اگر میں کہوں کہ مفتی منیر شاکر کی عزت اسلئے کرتا ہوں کہ وہ عالم ہے اگر وہ عالم نہ ہوتا تو میں اس مینڈک کی طرح شکل کو نہ مانتا تو اس کو کتنا برا لگے گا؟۔ اللہ کیلئے ہم کہہ سکتے ہیں کہ کتوں کا رب ہے ، خنزیروں کا رب ہے۔ لیکن یہ توہین ہے حالانکہ کتوں اور خنزیروں کا بھی کوئی اور رب نہیں ۔ اللہ مفتی منیر شاکر کو ہدایت دے ورنہ …”۔ بڑی حکمت عملی کے ساتھ فضاء کو بدلنا ہوگا۔

www.zarbehaq.com
www.zarbehaq.tv
Youtube Channel: Zarbehaq tv

مولانا ارشد مدنی جمعیت علماء ہند

جمعیت علماء ہند کے صدر مولانا ارشد مدنی جو مولانا حسین احمد مدنی کے صاحبزادے اور جمعیت علماء اسلام کے قائد مولانا فضل الرحمن کے بزرگ ہیں۔ اپنے حالیہ بیان میں کیا فرماتے ہیں ، ذرا غور سے ملاحظہ فرمائیں۔
”جمعیت علماء ہند وہ تنہا جماعت تھی جو لوہے کی طرح پتھر کی چٹان کی طرح تھی۔ ہمارے اکابر تھے۔ مولانا ابوالکلام آزاد، مولانا مدنی، مولانا مفتی کفایت اللہ صاحب، مولانا احمد سعید صاحب، مولانا حفظ الرحمن صاحب۔ ہم سے جو وعدہ کیا تھا اسے پورا کرو۔ ہم بار بار وعدہ لیتے رہے ہیںکے ملک آزاد ہوگا تو ملک کادستور سیکولر دستور ہوگا۔اگر ملک کی تقسیم کے اوپر دستخط کیے ہیںتم نے دستخط کیے ہیں تم مجرم ہوہم نے تو اپنی پگڑیاں اچھلوائی ہیںاور ٹوپیاں روندوائی ہیںہم اس جرم کے کرنے والے نہیں ہیں۔ شریف لوگ تھے، جمعیت علماء کا کردار ڈیڑھ سو سالہ کردار تھا”۔
مشکل ترین بات یہ ہے کہ مولانا فضل الرحمن نے بتایا کہ مولانا ارشد مدنی نے بھی باجوڑ دھماکے پر مجھ سے تعزیت کی اور میںنے ان سے پوچھا کہ ہم نے یہ فیصلہ کیا ہے کہ اپنے بزرگوں کے عقائد، نظریات اور منہج پر چلیں گے اور اپنے اکابر کے عقیدے ، نظریے اور منہج کی حفاظت کریں گے تو انہوں نے ہمارے فیصلے کی تائید فرمائی۔ مولانا فضل الرحمن کے اکابر کون کون ہیں ؟۔ شاہ ولی اللہ بریلوی دیوبندی اور اہلحدیث کے مشترکہ تھے۔ ان کے پوتے شاہ اسماعیل شہید نے مرشد سیداحمد شہید کو خراسان کا مہدی ثابت کرنے کیلئے” منصب امامت” کتاب لکھی اور بالاکوٹ کے مقام پر خلافت کے قیام کی کوشش میں ساتھیوں اور مرشد سمیت شہید ہوئے اور آج تحریک طالبان افغان اور پاکستان اس کی منہج پر چلنے کا دعویٰ کرتے ہیں ۔ شاہ اسماعیل شہید نے تقلید کو بدعت قرار دیا تھا اور اس کی کتاب کے ترجمہ ” بدعت کی حقیقت ” کی تقریظ مولانا محمد یوسف بنوری نے لکھی ہے۔پہلے اکابر دیوبند نے شاہ اسماعیل شہید کی تائید میں قرآن وسنت کی تعلیم کو زندہ کرنے کے عزم کا اظہار کیا پھرمولانا احمد رضا خان بریلوی نے ان پر ”حسام الحرمین” کا فتویٰ لگایا تو اس وقت حرم میں موجودہ وہابی حکومت نہیں تھی۔ توعلماء دیوبند نے تقلید کی تائید اور وہابیت کی تردید میں متفقہ مؤقف پیش کیا، پھر وہابی حکومت اقتدار میں آئی تو عبدالوہاب نجدی اور ابن تیمیہ کو گمراہ قرار دینے کے بعد پھر اکابر کی غلط فہمیاں دور ہوگئیں۔ طالبان نے زبردستی داڑھی رکھوانے اور نماز پڑھانے کا سلسلہ شروع کیا تو مولانا فضل الرحمن اور علماء دیوبند نے نہ صرف ان کی تائید کردی بلکہ ملاعمر کو خراسان کا مہدی بھی قرار دیا۔ پھر امریکہ نے طالبان کی حکومت ختم کردی تو مولانافضل الرحمن نے دہشتگردی پر تحریک طالبان کو خراسان کے دجال کا لشکر قرار دے دیا۔ طالبان اور ہندوستان کے درمیان پھنسے ہوئے مولانا فضل الرحمن کواس دلدل سے عزت وسلامتی کے ساتھ نکالنے کی کوشش ہے۔انسان میں غلطیاں ہوتی ہیں لیکن دنیا میں انقلاب برپا کرنے کیلئے خود کو بھی بدلنا پڑتا ہے اور خود کی تبدیلی سے چار سو میں تبدیلی آسکتی ہے۔

www.zarbehaq.com
www.zarbehaq.tv
Youtube Channel: Zarbehaq tv

مغرب نے کلمہ نہیں پڑھاہے باقی انہوں نے اسلام کو قبول کیا ہوا ہے مفتی منیر شاکر کا پیغام

مغرب نے نصاریٰ کے مسخ شدہ مذاہب کوچرچ تک محدود کردیا اور پارلیمنٹ کے ذریعے معاشرتی معاملات کے حقوق اور قوانین کا تعین کردیا، آج ہم یہود ونصاریٰ کے نقش قدم پر ہیں؟

نکاح و طلاق ، خلع ، حق مہر ، عورت کے حقوق اور دیگر معاملات میں مسلمانوں نے بھی قرآن سے معنوی انحراف کرکے یہودونصاریٰ کی طرح دین کو مسخ کرکے رکھ دیا ،ہمیںاصلاح کرنا ہوگی

مفتی منیر شاکر سے معروف شاعر ، کالم نگار اور ایک متحرک تاریخی وبیباک شخصیت مردان کے شعیب صادق نے اپنے ساتھیوں سمیت ملاقات کی ہے۔ درسِ نظامی کی اصول فقہ میں یہ حنفی مؤقف پڑھایا جاتا ہے کہ شریعت کے دلائل چار ہیں۔ نمبر1: قرآن : جس سے مراد پانچ سو آیات ہیں جو شرعی احکام سے متعلق ہیں۔ باقی قرآن انبیاء اور دوسرے حضرات کے قصے اور مواعظ ہے۔
لیکن افسوس کہ علماء نے ان500قرآنی آیات کی نشاندہی نہیں کی بلکہ یہ کام کیا ہے کہ نبی کریم ۖ کی حدیث صحیح بھی ہے ، جمہور مسلک کے مطابق بھی ہے لیکن حنفی اس کو قرآن کے منافی سمجھتے ہیں اسلئے یہ حدیث کو نہیں مانتے۔ نتیجے میں جمہور فقہاء ومحدثین نے امام ابوحنیفہ کی سخت مخالفت کی ہے۔ پورے فقہ میں نہ قرآنی آیات کی نشاندہی ہے اور نہ احادیث صحیحہ کی۔ حالانکہ یہ پڑھایا جاتا ہے کہ دوسری دلیل سنت ہے۔ ذخیرۂ احادیث تو بڑی بات علماء و مفتیان چیدہ چید ہ احادیث کا بھی ادراک نہیں رکھتے۔حنفی مسلک احادیث کے خلاف محاذآرائی کا نام ہے۔ اس وجہ سے امت مسلمہ گمراہی سے محفوظ ہے اسلئے کہ احادیث کے نام پر قرآن کے بھی خلاف مواد ہے۔ البتہ علماء ان کو عوام کے سامنے لانے سے تقیہ کرتے ہیں۔ جس کی وجہ سے مذہبی طبقہ قرآن وسنت سے بالکل جاہل ہے۔
جامعہ بنوری ٹاؤن کراچی میں معتبر شخصیت مولانا بدیع الزمان کی تھی۔ ہم نے آپ سے اصول فقہ کی کتابیں”اصول الشاشی” اور” نورالانوار” پڑھی تھیں۔ عربی میں گوشت کو لحم کہا جاتا ہے اور قرآن میں مچھلی کو لحمًا طرےًا ”تازہ گوشت ”قراردیا گیا ہے۔ حنفی مسلک میں مچھلی گوشت نہیں ہے اسلئے کہ اس میں خون نہیں ہوتا اور جس میں خون نہ ہو تو وہ گوشت نہیں ہے۔ اگرحنفی مسلک کو قرآن ، سنت ، عقل اور فطرت کے خلاف ثابت کیا جائے تو چھوڑدیا جائے گا۔
اگر ہم یہ مان لیتے ہیں تو قرآن میں تازہ گوشت سے بدنما دریائی گھوڑا مراد ہے؟۔ حالانکہ مانتے ہیں کہ قرآن میں تازہ گوشت سے مراد مچھلی ہے۔ اور مچھلی میں خون ہوتا ہے۔ اصولِ فقہ میں ایک اور مسئلہ پڑھایا جاتا ہے کہ سمندری انسان بھی ہوتے ہیں لیکن ان سے شادی کرنا جائز نہیں ہے ۔ مولانا بدیع الزمان نے بتایا تھا کہ سمندر کے کنارے پر کسی نے سمندری عورت پکڑلی تھی اور پھر اس سے چھوٹ گئی تھی اور ایک سمندری مرد بھی نکلا تھا۔ جب ایک طرح کے انسانوں سے شادی جائز نہیں تو حور کی جنس بھی الگ ہوگی؟۔ اس سے شادی تو بہت دور کی بات ہے کیا جنسی تعلق قائم کیا جاسکتا ہے؟۔ عربی میں موصوف مقدم اور پھر صفات آتی ہیں۔ قرآن میں باغات موصوف اور ان کی صفات بیان کی گئی ہیں کہ گویا ہیرے و مرجان ہیں۔ سورۂ رحمان میں ومن دونھما جنتان”اور اس کے علاوہ دو باغ اور ہوں گے”۔ اس میں ایک دنیاوی انقلاب کا ذکر ہے اور دنیا میں الگ الگ اقسام کے دو دو باغات مراد ہیں۔
قرآن کی سورہ محمد ۖ میں ہے کہ ” جنگ میں قید ہونے والوں کو احسان کیساتھ رہا کرو یا فدیہ سے”۔ جس سے دنیا کو یہ اصول دیا گیا ہے کہ جنگ میں قید ہونے پر بھی کسی عورت کو لونڈی اور مرد کو غلام یا قتل نہیں کیا جاسکتا ہے۔ دوسرا یہ کہ طویل قید میں بھی نہیں ڈالا جاسکتا ہے۔ تیسرا یہ کہ اس پرذہنی اور جسمانی تشدد نہیں کیا جاسکتا ہے۔ جیسے گوانتا ناموبے میں امریکہ نے کیا اور ڈاکٹر عافیہ کو لمبی سزا دی۔
قرآن میںدو دو، تین تین اور چار چار عورتوں سے نکاح کی اجازت ہے ۔ عدل نہ کرنے کا خوف ہو تو پھر ایک یا جن سے ایگریمنٹ ہو۔ یہ غلط سمجھ لیا گیا ہے کہ اس سے مراد لاتعداد لونڈیاں ہیں ،اگر چہ لونڈی وغلام کی ذاتی ملکیت ختم کرکے ان کی حیثیت بھی ایگریمنٹ یا گروی کی کردی تھی لیکن یہاں مرادمتعہ ہے۔ جب صحابہ نے نبی ۖ سے پوچھا کہ کیا ہم خود کو خصی نہ بنالیں تو نبی ۖ نے متعہ کی نہ صرف اجازت دی بلکہ فرمایا کہ لاتحرموا مااحل اللہ لکم من الطیبٰت ”حرام نہ کرو جو اللہ نے پاک چیزوں کو تمہارے لئے حلال کیا” ۔
مولانا طارق جمیل نے حوروں کی خواہش میں جن لوگوں کو ڈال دیا وہ تبلیغی جماعت سے جہادی بن گئے اور خود کش کرنے لگے۔ اگر حلالہ کی لعنت کو دیکھا جائے تو کس کو اللہ کے اس حکم میں کامیابی کا یقین آئے گا؟۔ مولانا الیاس نے فضائل کے ذریعے قوم کو علماء ومشائخ کی طرف متوجہ کیا لیکن جو خود نہ ہوں ہدایت پر تو دوسروں کو… ؟۔ صحابہ کے بارے میں ٹھیک کہا کہ خود نہ تھے جو راہ پر عالم کے ہادی بن گئے ،کیا نظر تھی جس نے مردوں کو مسیحاکردیا۔قرآن وسنت کا نتیجہ یہ نکلے گا کہ لوگ دین فطرت اسلام کو قبول کرنے میں دیر نہیں لگائیں گے۔

www.zarbehaq.com
www.zarbehaq.tv
Youtube Channel: Zarbehaq tv

ہر دہشتگرد مسلمان کیوں ہوتا ہے ؟ہندولڑکی

اندرا گاندھی کو جس نے مارا وہ مسلمان تھا؟۔ بابری مسجد کو جس نے شہید کیا وہ مسلمان تھا؟۔ مسلمان عالم

ہندو لڑکی : اچھا ٹھیک یہ آپ مانتے ہیںکہ سارے مسلمان پاکستانی سوچ نہیں رکھتے ہیں لیکن ہر دہشت گرد مسلمان ہی کیوں ہوتے ہیں؟۔
مہمان عالم دین کاجواب: مہاتما گاندھی کو جس نے مارا وہ مسلمان تھا کیا؟، اندرا گاندھی کو جس نے مارا وہ مسلمان تھا کیا؟، بابری مسجد کو جس نے شہید کیا وہ مسلمان تھا کیا؟، دلی کی سڑکوں پر سکھوں کی گردنیں کاٹی گئیں کیا وہ مسلمان تھے؟،گجرات کے گلی کوچوں میں جن لوگوں کو مارا گیا اور جن کو بے گھر کیا گیا کیا وہ مسلمان تھے؟۔ میری بہن میں آپ سے گزارش کررہا ہوں کہ آپ ایسا مت سوچیں۔ میںآپ کو صرف اتنی بات کہنا چاہ رہا ہوں کہ برائی برائی ہوتی ہے، اس کو آپ مذہب کے اینگل سے نہ دیکھیں، یہ موئز ان سے مسلمانوں کا کیا تعلق؟، موئزن سے ہمارا کیا تعلق؟ہم ہر قسم کے تشدد کی مذمت کرتے ہیں، مذمت کرنا چاہیے ۔
میزبان: میں آپ کی اس بات سے بالکل متفق ہوں۔ جو دہشتگرد ہے وہ نا ہندو ہوتا ہے نا مسلمان ہوتا ہے۔ بلکہ دہشت گردی خود ایک مذہب بن گیا ہے اب۔

www.zarbehaq.com
www.zarbehaq.tv
Youtube Channel: Zarbehaq tv

اگر وہ ذہنی مریض ہے تویہ سلوک اپنے بچوں کے ساتھ کیوں نہ کیا؟

میں نے آپ کو پہلے ہی کہا تھا کہ اب ان خاتون کو پاگل ثابت کیا جائے گا۔ میرے سوالات ہیں کہ اگر وہ ذہنی مریض ہیں تو انہوں نے یہ سلوک اپنے بچوں کے ساتھ اور جج صاحب کے ساتھ کیوں نہ کیا؟؟ یہی سلوک جس سکول میں پڑھاتی ہیں ان سکول کے بچوں کے ساتھ کیوں نہ کیا؟؟ اڑوس پڑوس کے بچے ان کی ذہنی بیماری سے کیسے محفوظ رہے؟ اگر وہ ذہنی مریض ہے تو جج صاحب آپ نے ان کو پاگل خانے کیوں نہ بھیجا؟ جب آپ لوگ اس کو گھر میں قید کرکے جارہے تھے اس وقت آپ کے ہوش کدھر تھے جج صاحب؟۔

www.zarbehaq.com
www.zarbehaq.tv
Youtube Channel: Zarbehaq tv